Author Archives: Catherine

როგორ დავამარცხოთ მტერი

სტანდარტული

luciernagas

როგორ დავამარცხოთ მტერი?!

ყველა დროის ერთ-ერთი ყველაზე აქტუალური კითხვა.
არ არსებობს ადამიანი,ვისაც პირდაპირი გაგებით მტერი თუ არა,არაკეთილმოსურნე მაინც არ ჰყავდეს.
მტერში არ იგულისხმება მხოლოდ მოსისხლე მტერი,ვინც დაუფიქრებლად გაგიმეტებდათ სასიკვდილოდ.მტერში იგულისხმება ყველა ის ადამიანი,ვისაც შენთვის სიკეთე არ სურს.ეს არ აგვერიოს ინერტულად განწყობაში ვინმეს მხრიდან.ინერტული განწყობაა,როდესაც ვინმესთვის სულ ერთი ხარ.მტრის ძალა სწორედ იმაში გამოიხატება,რომ სულ ერთი არ ხარ მისთვის.
მაგრამ მტრობის ძალა არასოდეს არ არის ცალმხრივი.მტერი მაშინ იძენს ძალას,როცა მისი ნეგატიური განწყობა პასუხგაცემულია მსგავსივე დამოკიდებულებით.
მაგალითად, პიროვნება A მტრობს პიროვნება B-ს. B-ც იგივენაირად პასუხობს.სწორედ აქ იკვრება მოჯადოებული წრე.ეს ურთიერთობა არის თავად ,,ჯადო”. ურთიერთმიმართული ნეგატივი უკვე წარმოადგენს იმ ენერგიას,რომელიც რეალიზებას ჰპოვებს ფიზიკურ პლანზე.თუ მომხდური უმიზეზოდ გმტრობს და შენ მას მისივე იარაღით არ პასუხობ,მტერი ასეთ დროს კარგავს ძალას და ის შენ ვერაფერს დაგიშავებს ვერც ფიზიკურ,ვერც ენერგეტიკულ დონეზე.ეს არის მტრის განიარაღება და მისგან გამოსროლილი ნეგატივისგან თავის დაცვა.თუმცა ვიცით, რომ მხოლიდ ასე მარტივად არ ხდება მტრების ჩამოშორება.
მივუბრუნდეთ A და B პიროვნებების მაგალითს,როდესაც ორი პიროვნება თანაბრად მტრულ დამოკიდებულებაში არიან ერთმანეთის მიმართ.ისინი განუწყვეტლივ უშვებენ ერთმანეთისადმი სიტყვიერ,აზრობრივ,ენერგეტიკულ თუ ქმედით ნეგატივებს.ამით ისინი აძლიერებენ ერთმანეთს. A კვებავს თავისი საკუთარი ენერგიით B-ს და პირიქით,B კვებავს საკუთარი ენერგიით A-ს. ხანგრძლივი დროით გაგრძელებული მტრული ურთიერთგანწყობა,თავის მხრივ წარმოქმნის ახალ ენერგეტიკულ ველს,რომელიც დროთა განმავლობაში ხდება უფრო ძლიერი.მან შეიძლება განაპირობოს საგვარეულო მტრობის წარმოქმნაც ორი პიროვნების საახლობლოს შორის. ამ ახალ ენერგეტიკულ წარმონაქმნს კვებავს სიძულვილი. სიძულვილი არის ძლიერი ემოცია,რომელიც ფსიქოლოგიურ დონეზე უნგრევს ადამიანს აზროვნებას.ანუ, სიძულვილი ჯერ აავადებს გონებას(არაჯანსაღი ემოციებისა და განცდების,ეჭვების,არასწორი დასკვნების,ყალბი ტკივილების და ა.შ. ფონზე),დაავადებული გონება წარმოშობს არაჯანსაღ აზრებს და ფიქრებს,აზრები და ფიქრები როგორც ვიცით ძლიერ ვიბრაციებს ფლობენ იმდენად, რომ მიზიდულობის ძალით იზიდავენ თავიანთ მსგავს მოვლენებს,რაც საბოლოო ჯამში ფიზიკურ პლანზე მატერიალიზდება.დაავადებული გონების,მატერიალიზებული ნეგატივის,მოზიდული უარყოფითი მოვლებების ფონზე ჯერ ზიანდება სუბიექტის აურა.დაზიანებული აურა კი პირდაპირ დარტყმას ახდენს ფიზიკურ სხეულზე და იწყება სხეულის დასნეულება.აი,ეს არის მტრობის, სიძულვილის,შურის,ბოღმის საბოლოო შედეგი.
ამბობენ – როდესაც დიაგნოზი ცნობილია,სნეულების განკურნებაც ადვილიაო.ასეცაა,როცა იცი მიზეზი და რეზულტატი,უკვე სწორ გზაზე ხარ იბრძოლო ამ მიზეზის აღმოფხვრით რეზულტატის გასანეიტრალებლად.
მტრობის მიზეზი თუ სიძულვილია,გამოდის სიძულვილის ანტონიმი გააქარწყლებს მას.
დიახ,მტრობის და სიძულვილის დასამარცხებელი უძლიერესი იარაღი სიყვარულია.
მე არაფერზე ვსაუბრობ,რაც საკუთარ თავზე არ გამომიცდია.ასევე ვსწავლობ სხვათა მაგალითზეც,ვაკვირდები მათ თვისებებს,ცხოვრებას,რეზულტატებს. ამიტომ ვთვლი,რომ საკუთარი ნააზრევის და გამოცდილების გაზიარება შემიძლია.მე არც მასწავლებელი ვარ,არც გურუ,არც ფსიქიატრი და არც ეზოთერიკოს-ოკულტისტი,როგორც ვგონივარ თურმე ხალხს,მე ვარ მაძიებელი და მოსწავლე სამყაროსი.მე ყველასგან ვსწავლობ,თითოეული თქვენგანისგან ვსწავლობ,ბევრი ცნობილი და ავტორიტეტული პიროვნებების ნაშრომებიდან ვიღებ ცოდნას.ვიღებ ინფორმაციას ბავშვისგან,მოხუცისგან,ცხოველისგან,მცენარესგან,ჩემნაირი მაძიებლისგან და ა.შ.რისთვისაც მადლიერი ვარ თითოეული მათგანის.
გამოცდილებაზე ვლაპარაკობდი – პირადად გამოვცადე თუ რა საოცრების ჩადენა შეუძლია ადამიანს მენტალურად,მხოლოდ აზროვნებით.ესენია:
1) რეიკის ენერგიით ფიზიკური ტკივილს დათრგუნვა.
2) სიყვარულის პრაქტიკით დაუძინებელი მტრის შემორიგება.
3) მედიტაციების საშუალებით წინა ინკარნაციების ხილვა.

ეს თემები და მათთან დაკავშირებული შეკითხვები ვისაც ექნება, შეუძლია მკითხოს.

რაც შეეხება პოსტის მთავარ თემას, მტრის დამარცხებას, არავითარი აზრი არ აქვს მას,თუ მთლიანად არ გავთავისუფლდით მისი ნებისმიერი სახის ზეგავლენისგან.მაგალითად,შეიძლება ადამიანს აპატიო,მაგრამ ვერ დაუვიწყო რაც გაწყენინა თუ დაგიშავა.ძალიან ჩვეულებრივი,ყოფითი დამოკიდებულებაა ეს.მაგრამ ასეთ პატიებას აზრი არ აქვს.ფაქტობრივად ეს არც არის პატიება.პატიება უფრო ფუნდამენტალური დამოკიდებულებაა სუბიექტის ბუნებისა – ზოგადი განწყობის ჩამოყალიბებაში.მარტივად რომ ვთქვათ, ჩვენ ვაპატიეთ,მაგრამ გვახსოვს(ცნობიერად), რა გამოდის? ის განწყობა ისევ ჩვენს ცნობიერშია,ისევ ისე ნეგატიურ დამოკიდებულებაში ვართ ობიექტისადმი და ვფარისევლობ – თითქოს ვაპატიეთ. ეს არის განწყობა ,,ბომბი”, რომელიც არავინ იცის როდის აფეთქდება.
მაშასადამე,ამ განწყობის გაქრობა,ცნობიერიდან ამოშლაა საჭირო,რათა დადგეს ის ნატურალური სიმშვიდის განცდა,რაც წესით მტრობისა და სიძულვილის გარეშე იქნებოდა.
ამ განცდის გამოწვევის მანიპულაცია შესაძლებელია ხელოვნურად.შესაძლებელია ცნობიერიდან წაიშალოს ის ნეგატიური დამოკიდებულება,რაც მთავარი კვების წყაროა სიძულვილისა.
და ეს მეთოდი არის სიყვარულის პროვიცირება ჩვენში.სიყვარულის ჯერ დაპროგრამება,მერე აღმოჩენა და ბოლოს ბუნებრივად წარმოქმნილი ვიბრაციებით გაშვება ინტერესის ობიექტისკენ,ე.წ. მტრისკენ.

პრაქტიკა მარტივია:

დღეში თუნდაც მინიმუმ სამჯერ(რაც მეტჯერ დააპრაქტიკებ მით უკეთესი,შედეგიც მალე დადგება.ჩემი შედეგი დადგა ორ თვეში.არც თუ ისე დააგვიანდა.) აპრაქტიკებ აზრობრივად ან სიტყვიერად:

,,მიყვარხარ,სიყვარულს გიგზავნი,სიყვარული შენ”

მიმართავ სახელით მას,ვის მიმართაც გზავნი.
ეს პრაქტიკა შეგიძლიათ განახორციელოთ ასევე ახლობლების,მეგობრების,საყვარელი ადამიანების,უცნობების,სამსახურში უფროსების,გამოცდებზე გამომცდელების,ცხოველების,დედამიწის,კოსმოსის,მზის და ნებისმიერის მისამართით.მაგრამ სასურველია თუ პირველად მოიხსენიებთ მტრებს ან იმ პირებს,ვისაც იცით რიმ არ უყვარხართ,ან თქვენ არ გიყვართ ისინი.
დამიჯერეთ,გამოცდილი და ფუნქციონირებადი მეთოდია მტრის დასამარცხებლად და მის საბოლოო,ენერგეტიკულ დონეზე ჩამოსაშორებლადაც კი.მას თქვენ საერთოდ ამოშლით თქვენი კარმიდან.

 

 

Advertisements

გრაფი სენ ჟერმენი

სტანდარტული

გრაფი სენ ჟერმენის წარმოშობის ისტორია ენიგმას წარმოადგენს ყცველა დროის ოფიციალური ისტორიისთვის.მისი დაბადების ადგილის შესახებ სხვადასხვა ვერსიებია.მაგრამ შედარებით სარწმუნოდ ვერსიად შეიძლება მივიჩნიოთ პრინც კარლ I ჰესე-კასსელის ვერსია,რომელიც თავის მემუარებში წერს,რომ სენ ჟერმენი ამტკიცებს,რომ ტრანსილვანიის პრინც რაკოცის და მისი პირველი ცოლის თელეკის ვაჟიშვილია.
მიუხედავად პრინცის ამ განცხადებისა,მთელი ევროპა იკვლევდა სენ ჟერმენის წარმომოშიბის ისტორიას.
როგორც სხვადასხვა წყაროები იუწყებიან,იტალიის ტერიტორიაზე მდებარე თავისი მამულის ,,San Germano´´-ს სახელიდან გამომდინარე,სენ ჟერმენმა თავის თავს ,,Saint-Germain´´ – ,,წმინდა ძმა’’ უწოდა.
ეს უცნაური პერსონაჟი,რომელიც სრულყოფილად საუბრობდა 30 ენაზე(როგორც ძველ, ასევე თანამედროვე ენებზე), ფლობდა ეპოქის ყველა ცოდნას ,აოცებდა მთელს ევროპას თავისი განსწავლულობით.ეს ხდებოდა XVIII საუკუნის ბოლოსა და XIX საუკუნის დასაწყისში.მან მოიარა მთელი ევროპა სხვადასხვა სახელებით.როგორებიცაა მაგალითად: მარკიზი მონფერატი,გრაფი ბელამარი,კავალერი შუნინგი,კავალერი ველდონი,გრაფი სილტიკოვი,პრინცი რაკოცი,გრაფი სურმონტი და სხვები.ის ექსპეტი იყო ლითონების და ძვირფასი ქვების გარდაქმნაში,რაც იმის დასტური იყო,რომ ალქიმია მისთვის საიდუმლოებას არ წარმოადგენდა.ის ასევე ამბობდა,რომ იცოდა სამარადისო ახალგაზრდობის ელექსირის დამზადება,რომლის მიღების შედეგიც მარადიული ახალგაზრდობა იყო.როგორც მისი თანამდეროვენი (სხვადასხვა ეპოქაში) ამტკიცებენ,მას მუდმივად 40 წლის კაცის გარეგნობა ჰქონდა.სენ ჟერმენი მიიჩნეოდა ყველა დროის ერთ-ერთ ადამიანად,ვის ხელთაც იყო დიდი შესაძლებლობები.ის იყო პირადი მრჩეველი ლუი XV-სა,ლუი XVI-სა და მარია ანტონიეტასი,ის იყო მხედველი მოვლენებისა,რომელიც ახლო მომავალში უნდა მომხდარიყო ევროპაში.ამბობენ,რომ ის ფლობდა ტელეპატიის და ტელეპრტაციის უნარს.მას ჰქონდა ფენომენალური მეხსიერება,რაც არა მხოლოდ ენების ცოდნაში გამოიხატებოდა,არამედ უზარმაზარი ტექსტების სწრაფ კითხვაში და მერე ამ ტექსტების შეუცდომლად,სიტყვა-სიტყვით განმეორებაში.
ის ტვინის ორივე ნახევარსფეროს თანაბრად აკონტროლებდა.მას შეეძლო ერთდროულად ორივე ხელით ეწერა სხვადასხვა წერილი,ერთი სასიყვარულო, ხოლო მერეო ფილოსოფიაზე.გააჩნდა ექსტრაორდინალური მუსიკალური ნიჭი.შეეძლო დაეკრა ყველა ინსტრუმენტზე,მაგრამ ვიოლონო იყო მისთვის ყველაზე საყვარელი ინსტრუმენტი.
მის გარეგნობას აღწერენ,როგორც პროპორციული აგებულების და საშუალო წონის მქონდეს.სწორი და სასიამოვნო ნაკვთები,შავი თმები და ფერმკრთალი კანის ფერი, მაღალი შუბლი და შორი-შორს ჩამსხდარი თვალები ჰქონდა.ელეგანტურად,მაგრამ უბრალოდ იცვამდა.მისი სამოსი ძირითადად შავი ფერისა იყო.
ის თავის საუბრებში ყვებოდა საკუთარ მრავალსაუკუნიოვან გამოცდილებაზე და ცხოვრებაზე სხვადასხვა საუკუნეებში,რაც ბუნებრივია მსმენელში დიდ ინტერესს და აღფრთოვანებას იწვევდა.იყვნენ რა თქმა უნდა სცეპტიკოსებიც,რომლებიც ბოდვად მიიჩნევდბებ მის ამ საუბრებს და დასცინოდნენ კიდეც მას,მაგრამ განსაკუთრებული დამოკიდებულება ჰქონდათ მასთან და უდიდეს პატივს სცემდნენ ახლო მეგობრები,რომლებიც მისი ერთგულნი იყვნენ და არც ტუ ისე ბვერნი.
სენ ჟერემნი ასევე აქტიურად თანამშრომლობდა დიპლომატიურ წრეებში.განსაკუთრები მნიშვნელოვანი იყო მისი მოგზაურობა ჰააგაში,სადაც მან სამშვიდობო მისია შეასრულა ჰოლანდიელებთან, საფრანგეთის მეფე ₾იუ XI-ს დავალებით.
რაც შეეხება მისი სიკვდილის ამბავს,ისიც ისეთივე საიდუმლოებითაა მოცული,როგორც ამბავი მისი დაბადების შესახებ.ოფიციალური ინფორმაციით ის გარდაიცვალა 1784 წლის 27 თებერვალს,თავისი მეგობრის და მფარველის პრინცი კარლ I ჰესენ-კასელის სახლში.სიმართლეა ვითომ?დიახ,სიმართლეა!
მაშინ,როგორ აიხსნება 1789 წელს მისი გამოჩენის ფაქტი მადამ დ’ადემარის კომპანიაში,რათა მისთვის ეწინასწარმეტყველებინა რევოლუციური ეპიზოდები? ასევე, 1790 წელს შეხვედრა რუდოლფ გრაფერთან,გაემჟღავნებინა მისთვის ამბები,რომლებნიც მოხდებოდა XIX და XX საუკუნეებში.როგორიცაა მაგალითად – რკინიგზის მშენებლობები და XIX საუკუნის ორთქლის გემები. ასევე კლიმატური არეულობა რაც დადგებოდა იმჟამინდელი ასტრონომიული ციკლის ბოლოს ანუ XX საუკუნუს დამდეგს.საიდან ფლობდა ის ამ ინფორმაციას?ვინ არის სინამდვილეში გრაფი სენ ჟერმენი?ოკულტური სწავლებები გვეუბნებიან,რომ უმაღლესი ევოლუციური განვითარების მქონე ინდივიდუალობა,რომელიც ამ სახელით ( სენ ჟერმენი) მოვიდა ევროპაში,ჩასახლდა პრინცი რაკოცის ვაჟიშვილის ფიზიკურ სხეულში,რომელიც წინა ცხოვრებაში იყო ფილოსოფოსი ფრენსის ბეკონი.როცა ის ფოლოსოფოსის სახელით ცხოვრობდა რეალობაში,შექმნა ნაშრომები,რომლებიც ასევე აღმოჩნდნენ უილიამ შექსპირის შემოქმედებაშიც.მიაღწია რა თავის მესამე განსხეულებას ფრენსის ბეკონის სხეულში, მეოთხე და მეხუთე განსხეულება განახორციელა რაკოცის სხეულში.უკვე როგორც მე-7 სხივის მფლობელი ოსტატი რაკოცი,რომლეიც მიღებული იქნა ევროპის და ამერიკის მსოფლიო ორგანიზაციაში,რომელიც მართავს კაცობრიობის ევოლუციას.XX საუკუნის პირველ ნახევარში იტვირთა მაჰაჩოჰანის პოსტი(?),რომელიც ასევე ცნობილია ,,ცივილიზაციის ბატონის’’ სახელით და რომელიც გიდია სამი უდიდესი სხივის ( ,,თავისუფალი ნება-ძალაუფლება’’ , ,,სიყვარული-ცოდნა’’ და ,,ჭკუა-მოქმედება’’ ) ადამიანის ძეთა სრულყოფისთვის.ის,რომ სენ ჟერმენს ჰქონდა მე-7 ფაზის სული(ცერემონიული მაგია),მისი ფიზიკური სხეულის სიცოცხლის განმავლობაში ის მიეკუთვნებოდა საიდუმლო ორგანიზაციებს,ლოჟებს,როგორიცაა ფრანკომასონური თუ როზენკროიცერების ლოჟები,მიგვანიშნებს იმაზე,რომ მისი მოქმედების მთავარი საშუალება არის ეზოთერული რიტუალები.
ის,ვინც თავის თავს უწოდა ,,წმინდა ძმა’’,ნუთუ კვლავ უნდა მოევლინოს ქვეყანას ახალი შესაფერისი,სუფთა სხეულით,რათა მიაწოდოს კაცობრიობას საჭირო მესიჯი? ისევე როგორც თავის დროზე ეს გააკეტეს ქრისტემ- იესოს სხეულით და ბუდამ გაუტამას სხეულით?სად იქნება კოშკი(შემთხვევითი სხეული),რომელშიც ,,გრაფი’’ დაიდებს ბინას?

წყარო: სენ ჟერმენის სწავლებანი ,,ალების პრაქტიკა,განმარტებანი მერწყულის ერასთვის’’.

ბელმესის სახეები

სტანდარტული

1971 წლის 23 აგვისტოს ესპანეთის ერთ წყნარ  სოფელში,სადაც არასოდეს არაფერი ხდებოდა,მოხდა ისეთი ამბავი,რომელსაც  ათწლეულების განმავლობაშიც არ დაუკარგავს საზოგადოების ინტერესი.ეს ერთი პატარა,არაფრით გამორჩეული სოფელი,მსოფლიომ გაიცნო იმ ამოუცნობი ფენომენის წყალობით,რომელიც ცნობილი გახდა ბელმესის სახეების სახელით. … დღისა და ღამის გასაყარზე,როცა მზე ჯერ კიდევ არ მიმალულა ცის ტატნობიდან,მარიამ სამზადის კარი შეაღო და დაღლილი ნაბიჯებით მიაშურა აგიზგიზებულ ბუხარს,სადაც რკინის სამფეხზე შემოდგმულ ქვაბში ვახშამი მზადდებოდა.ქალი ქვაბისკენ დაიხარა რათა კერძისთვის ხის ჩამჩით ამოერია და უცებ ძლიერი თავბრუსხვევა იგრძნო.ხელით ბუხრის თავს დაეყრდნო, რათა არ წაეფორხილა.მოულოდნელად თითქოს იგრძნო,ოთახში მის გარდა კიდევ ვიღაც იმყოფებოდა.ზურგზე დაჟინებული მზერა ცხელი ტალღასავიოთ მოედო.ქალი დაიძაბა,თითქოს იატაკს მიეზარდა ფეხებით…. ნელა მოტრიალდა და ოთახს თვალი მოავლო.თვალებში შიში ჩადგომოდა… რა თქმა მის გარდა ოთახში არავინ იყო.მარიამ თავბრუსხვევა ისევ იგრძნო,თუმცა ამჯერად ყურადღება აღარ მიუქცევია;ისევ დაიხარა რათა კერძისთვის ამოერია.ის ურევდა ქვაბში ხის ჩამჩას და ცეცხლის ალის ანარეკლზე მისი დაღალული სახის ყველა კუნთი თითქოსდა თრთოდა განცდილი უსიამოვნო წამის შემდგეომ.შეგრძნება,რომ ოთახში მის გარდა კიდევ სხვაც იმყოფებოდა,არ შორდებოდა… ქალი მორჩა კერძის ამორევას,ის იყო ბუხრის თავს დაეყრდნო,რათა წამომდგარიყო,რომ გველნაკბენივით შეკრთა და ჩამჩა ხელიდან გაუვარდა… ბუხრის წინ,იატაკის ფილაქანზე,ზედ მისი ფეხების ქვეშ,ნელ-ნელა ისახებოდა ადამიანის სახე… belmez ქალი შინ მარტო იყო და ძალიან შეშინდა.მოწყვეტით დაეცა სკამზე და მთელს სხეულზე იგრძნო თუ როგორ დაუდგა შიშისგან თმები ყალყზე.მარიამ პირველი რაც გაიფიქრა,ის იყო,რომ ვიღაც უნიჭოდ ეხუმრებოდა.მიუახლოვდა ფილაქანზე გამოსახულ ადამიანის სახეს და ხელით შეეხო.აშკარა იყო,რომ ფილაქანის ზედაპირი რამე ზემოქმედების შედეგად არ იყო სახეცვლილი.არამედ,თითქოს და თავად ქვაში იყო სახე ჩახატული,თითქოს და ყალიბში ჩამოსხმული,მოზაიკასავით… … მეორე დღეს,როცა შინ დაბრუნებული მარიას ვაჟი – მიგელი გაეცნო საქმის ვითარებას,გადაწყდა,რომ ეს უნიჭო ხუმრობა უბრალოდ გაექროთ თავიანთი სახლის იატაკიდან და დაევიწყებინათ.თუმცა უამრავმა ცდამ ამაოდ ჩაიარა… ბელმესი პატარა სოფელია და ყველა ერთმანეთს იცნობდა იმ დროს.ამიტომ ელვის სისწრაფით მოედო ეს ამბავი მთელ სოფელს.აგორდა სხვადასხვა ჭორი: მავანმა იატაკზე გამოსახული სახე ქრისტეს სახედ შერაცხა,რომელიც სასწაულებრივად გამოსახა პერეირების სახლის იატაკზე;ზოგისთვის კი ეს სახე გარდაცვლილს ეკუთხვნოდა,რომელიც დიდი ხნის წინ ცოცხლად დამარხეს ამ სახლის საძირკველში. და 1971 23 აგვისტოს,პატარა სოფელ ბელმესში,სხვაზე აღარაფერზე საუბრობდნენ ადგილობრივი მაცხოვრებლები,მხოლოდ ფენომენზე,რომელიც ნამდვილად არ გავდა ხუმრობას. პერეირებს არ სურდათ მათ სახლის სამზარეულოში გამოსახული უცნაური გამოსახულება,მთელი სოფლის განხილვის საგანი ყოფილიყო და ყოველი ღონე იხმარეს,რათა იატაკის ზედაპირიდან მოეშორებინათ.როცა ვერანაირი საშუალებით ვერ მოახერხეს გამოსახულების წაშლა,მხოლოდ ერთი ხერხიღა დარჩა – წერაქვით ამომტვრევა და მთელი ფილაქნის დამსხვრევა ნაწილ-ნაწილ.ასეც მოიქცნენ.დაამსხვრიეს ძველი ქვის ფილაქანი და მის ადგილზე ახალი ცემენტის იატაკი დააგეს.ამით დაირწმუნეს თავი,რომ ერთხელ და სამუდამოდ განთავისუფლდნენ არასასურველი ნახატისგან.მაგრამ სწორედ აქ შეცდნენ ისინი. მარია გომეს კამარას ვაჟი,მიგელ პერეირა შემდეგს ყვება: miguel pereira ,,მინდოდა დედაჩემი მშვიდად ყოფილიყო,ამიტომ ავიღე წერაქვი და ამოვამტვრიე ბუხრის პირი,სადაც გამოსახულება ეხატა.იმავე დღეს,დაახლოებით საღამოს 10 საათზე ვივახშმეთ და შუაღამის პირველი საათი იქნებოდა როცა სამზარეულოში გავედი.გამოსახულება ისევ ისეთი სახით იყო ბუხრის წინ გამოსახული,როგორიც ფილაქნის ამომტვრევამდე.ზუსტად იმ სახით,როგორც ცნობილ ფოტოებზე არის აღბეჭდილი”. ბელმესში დატრიალებულ ჭორებზე,პრესაც დაინტერესდა.გაზეთები  ბელმესში მომხდარი უცნაური ფენომენის შესახებ სტატიებით და ფოტოებით აჭრელდა. gazeti2 gazeti3 gazeti4 gazeti1 საერთოდ,ჩემი თვალთახედვით,დღესაც კი,2014 წელს,ესპანელი ხალხი გამოირჩევა იდუმალებისადმი,მისტიციზმისადმი დიდი ინტერესით.განსაკუთრებით დიდი დაინტერესება იგრძნობა ამოუხსნელი,პარანორმალური მოვლენებისადმი.თითქოს და, ამ ხალხს ეს მიდრეკილება გენეტიკურად მოსდგამთ.და ამიტომ ჩემთვის ძალიან ადვილი წარმოსადგენი გახდა,თუ რატომ დაიძრა ხალხის ოკეანე პატარა სოფელ ბელმესში,მთელი ქვეყნის მასშტაბს ვგულისხმობ.მოდიოდნენ ესპანეთის სხვადასხვა კუთხეებიდან,გადიოდნენ ასობით კილომეტრს და თქვენ წარმოიდგინეთ,გარკვეულ თანხასაც კი იხდიდნენ იმ უცნაური მოვლენის საკუთარი თვალით სანახავად,რომელზეც ასე ყბადაღებით ალაპარაკდა ქვეყნის ყველა გაზეთი. პერეირების სახლის წინ გრძელი რიგები იდგა,სახლის სამზარეულოს ნახვის მსურველების უგრძესი რიგი.
xalxmravloba belmezshiროდესაც დამთვალიერებლის დიდი ინტერესი გამოვლინდა,სახლში შესვლა ფასიანი გახდა,როგორც ეს მუზეუმებში ხდება.
,,იძულებული გავხდით სახლის კარებთან ყოველ დღე მდგარიყო გუარდია ცივილის(პოლიცია) ორი თანამშრომელი.” – აცხადებს მიგელ პერეირა. – ,,ხალხი მზად იყო სახლის კარები ჩამოემტვრია,რათა შიგ შეეღწია და საკუთარი თვალით ენახა ბუხრის წინ,იატაკზე გამოსახული სახე”. ყოველ დღე, უზარმაზარი რიგები იყო ცნობისმოყვარე ხალხისა სახლის წინ;ხოლო სახლში,ცემენტის იატაკსა და კედლებზე ახალ-ახალი სახეები იკვეთებოდა.თავდაპირველად,ულვაშიანი კაცის სახის მერე(რომელიც პირველი გამოისახა ბუხრის წინ),კედელზე გამოისახა ქალის სახე,რომელსაც გაოცებული თვალები,ფართოდ გაღებული პირი ჰქონდა.მას მოჰყვა პატარა,ბავშვების სახეები,ასევე ფართოდ გახელილი თვალებით და ღია პირით.მნახველს შეგრძნება გაუჩნდებოდა,რომ კედლებე გამოსახულ სახეებზე პანიკური შიში იყო აღბეჭდილი. მოწმეები აცხადებდნენ,რომ სახეები ყოველდღიურად იცვლიდნენ ფორმას.ერთ დღეს რომ ერთნი გამოისახებოდნენ,მეორე დღეს სახე სრულიად შეცვლილი ჰქონდა ყველა მათგანს.თითქოსდა,ყოველდღიურად იზრდებოდნენ ის ბავშვები,ასაკი ემატებოდათ,ბერდებოდნენ და მერე ქრებოდნენ კედლების ზედაპირებიდან.მერე კი ისევ ახალი,უცხო სახეები ჩნდებოდნენ და პროცესი ისევ ისე მიმდინარეობდა – იზრდებოდნენ,ბერდებოდნენ და ქრებოდნენ ხალხის თვალწინ.თითქოს ამ სახეებს ჰქონოდათ სიცოცხლე,თითქოს ცოცხალი არსებები ყოფილიყვნენ. ეს იყო ძალიან შთამბეჭდავი სანახავი,ემოციის გარეშე ვერ ნახავდა ადამიანი.განსაკუთრებით დრამატული სიუეტი იყო მათთის,ვინც ყოველდღიურად აკვირდებოდა ამ პროცესებს.თავად პერეირების სახლის ბინადარნი,მათი მეზობელ-ნათესავნი და ახლობლები,რომლებიც მერე მედია საშუალებებში იძლეოდნენ ინტერვიუებს ამოუხსნელი ფენომენის შესახებ.
შეიქმნა კონტროლის სისტემა,რომელიც დაკომპლექტებული იყო ხელისუფლების წარმომადგენელი ავტორიტეტული პირებით.სევილიის და მადრიდის საგამოძიებო დეპარტამენტმა,გუარდია ცივილმა(პოლიცია) და ბირთვული ენერგიის საბჭომ,მობილიზება გაუწიეს პროექტს,გამოეკვლიათ და კვლევების განმავლობაში თვალყური ედევნებინათ რა ხდებოდა სინამდვილეში პერეირების სახლში.
პირველ რიგში სამზარეულოს იატაკზე,ბუხრის წინ გამოსახული ულვაშიანი მამაკაცის სახე იქნა გამოკვლეული.ცემენტის ფილაზე საღებავის ან რამე სხვა სახის მასალის ზემოქმედების კვალი ვერ აღმოაჩინეს.
იმ დროისთვის ყველაზე თანამედროვე აპარატებით იკვლევდა ბირთვული ენერგიის საბჭოს ექპერტი.ხაენის გუბერნატორმა განახორციელა კვლევა,რომელიც ადგენდა ჰქონდა თუ არა რადიაქტიული ენერგიის გამოვლინებას ადგილი სახლის ტერიტორიაზე.თუმცა კვლევებმა არ დაადასტურეს ეს ვარაუდი.პერეირების ოჯახი დაამშვიდეს – მათი საცხოვრებელი რადიაქტიულად საშიშ ზონაში არ მდებარეობდა.სამეთვალყურეო პროექტში მონაწილე ავტორიტეტულმა პირებმა საბოლოო დასკვნაც გააღერეს – აფიორას არ ქონდა ადგილი პერეირების ოახის მხრიდან და რომ ისინი პასუხისგებაში არ მიეცემოდნენ.მაგრამ სახლი,როგორც გამოძიების კვლევის ადგილი,გადამოწმებულ უნდა ყოფილიყო – რამდენიმე ექსპერტის აზრით,ენიგმის პასუხი იატაქვეშ იყო დამალული.
სახლის იატაკის გათხრებმა დრო და ენერგია წაიღო.სამზარეულოს იატაკი არაერთგზის იქნა გადათხრილი.ამოთხრილ მიწას იქვე,იატაკზე ყრიდნენ და მიწის ზვინები სამზარეულოს ჭერს ატანდა სიმაღლით.
სებასტიან ფუენტეს ლეონმა,რომელიც გუფს ხელმძღვანელობდა,უარი განაცხადა გათხრების გაგრძელებაზე.მისი სახე ნათლად გამოხატავდა მის ემოციებს – იატაკის ფილებქვეშ,მიწის სიღრმეში ადამიანების ძვლები აღმოაჩინეს.ბავშვების ძვლები,რომელთა არც ერთი თავის ქალა არ აღმოჩნდა დანარჩენი ძვლების გვერდით.

იმერული ლობიო,იგივე მიწალობიო,იგივე ჭიპშავა.

სტანდარტული

miwalobio2
ე.ი. ლობიო,რომელზეც დღეს უნდა მოგითხროთ,არის ჩემთვის ყველაზე საყვარელი პარკოსანი,ოსპზე მეტადაც კი მიყვარს.პარკოსნების სასარგებლო თვისებებზე მე არ დავიწყებ ლაპარაკს,ისედაც იცის უმეტესობამ.ამ ლობიოსთან მაკავშირებს ბავშვობის მოგონებები.ცხონებული ბებიაჩემი ისეთ გემრიელს ამზადებდა,რომ როგორც ჩვენში – ვანში იტყვიან – შემწვარ გოჭსაც დაგატოვებინებდა. 🙂 ცხონებული ,,ებრაელების ლობიოს” ეძახდა.რომ ვკითხე ასე რატომ ქვიათქო,სულ ამას ჭამენო,მიპასუხა. 🙂
ჩემს მოზარდობაში,ჩემს ოჯახში ძალიან იშვიათად ამზადებდა დედა ამ ლობიოს.ისედაც დიდი მოყვარულები არ ვიყავით ზოგადად ლობიოსი და მით უმეტეს,ამ იშვიათ ჯიშს ვინღა დაგიდევდათ,მივიწყებას მიეცა. 🙂
და მრავალი წლის მერე,უცხო მიწაზე გადასახლებულმა,უბნის ერთ პატარა ბოსტნეულის და ხილის მაღაზიაში აღმოვაჩინე პარკოსნების თაროზე ლამაზად,მორიდებულად ჩამოდებული და სიხარულით გამიბრწყინდა თვალები.მაშინვე ვიგრძენი თუ როგორ ამევსო ნერწყვით პირი,იმიტომ,რომ ბებიაჩემის მომზადებული მიწალობიოს გემო გამახსენდა.არც დავფიქრებულვარ,არც ფასი მიკითხავს(ეს ნაკლი მაქვს საერთოდ,ფასს ან საერთოდ არ ვკითხულობ რამეს ყიდვის დროს,ან როცა უკვე შეფუთულს მაწვდიან მერე ვეკითხები თუ რამდენი უწევს. :3 ), დავავლე ხელი და ვიყიდე.იმ დღესვე მოვამზადე ჩვეულებრივად,იმერულად,კვაწარახით(დედაჩემმა ჩამომიტანა და ვიზოგებ).მას შემდეგ ხშირი მუშტარი ვარ ამ ლობიოსი და ვამზადებ ხან როგორ ხან როგორ.
ამ ორი დღის წინაც გადავწყვიტე მომზადება და დამაინტერესა,თუ რა რეცეპტები მოიპოვებოდა ინტერნეტში ქართულ ენაზე.ხოდა,ჩემდა გასაოცრად ინტერნეტ სივრცეში ხსენებაც კი არ არის მიწალობიოსი,არათუ მრავალფეროვანი რეცეპტებისა.სწორედ ამან შთამაგონა ჩემს ბლოგზე განმეთავსებინა ჩემი რეცეპტებიდან ერთ-ერთი – სასარგებლო,ვიტამინებით,მცენარეული პროტეინით,მინერალებით სასვსე რეცეპტი.აქვე აღვნიშნავ,რომ ამ რეცეპტით თავისუფლად შეგიძლიათ კვებოთ ბავშვი იმ პერიოდიდან,როგორც კი პედიატრი მას დამატებით კვებაში ლობიოს,ოსპს,მუხუდოს,ბარდას დაუმატებს.რასაკვირველია ბავშვისთვის ნაკლები მარილით და აუცილებლად ერთ ნახარშ გადაღვრილი(რათა პატარა გაზებმა არ შეაწუხოს).
მაშ,ასე.ავიღოთ ნახევარი კგ,მიწალობიო.გავრეცხოთ 3-4 ჯერ,გამდინარე წყალში.მოვათავსოთ სქელძირიან ქვაბში და 3-4 თითის დადებაზე დავფაროთ წყლით.როდესაც ადუღდება,ვაცადოთ დუღილი კარგა ხანს.შევამოწმოთ ლობიოს მარცვალი,თუ კი სულ ოდნავ შერბილდა(მოხარშული არ უნდა იყოს)გადავუღვაროთ ნახარში წყალი(როგორც ზემოთ აღვნიშნე,რათა გაზებმა არ შეგვაწუხოს.ეს განსაკუთრებით მათ ეხებათ ვისაც ნაღვლის ბუშტი აწუხებს/არ აქვს,ან საერთოდ საჭმლის მომნელებელი სისტემის პრობლემები აწუხებს).დავასხათ ახალი წყალი და დავდგათ ცეცხლზე.ერთი პატარა თავი ხახვი გავფრცქვნათ,გავრეცხოთ,გავჭრათ ოთხად და ჩავაგდოთ ქვაბში ლობიოსთან ერთად,ასევე დავამატოთ გარეცხილი 2-3 დაფნის ფოთოლი და ნახევარი ჩაის კოვზი ხმელი ქონდარი. 4-5 ნაჭერი დაფნის ფოთოლის ოდენა ტყლაპი ჩავყაროთ ალაგ-ალაგ ლობიოში (ან 1-2 ჩ.კ. კვაწარახი, ძმარიც შეიძლება). როდესაც უკვე ხელში ისრისება ლობიო,დავამატოთ 2 საშუალო ზომის გათლილი სტაფილო,2 ჭიპ ამოჭრილი მოზრდილი პამიდორი და ვხარშოთ სანამ ბოსტნეული მთლიანად მზად არ იქნება,ანუ სტაფილო რბილი.როდესაც უკვე მოხარშულია სტაფილო და პამიდორი,ჩავუწიოთ მინიმუმამდე ცეცხლს და ცალკე თეფშზე ამოვიღოთ ის პატარა,ოთხად გაჭრილი ხახვი,სტაფილოები და პამიდვრები.,დაველოდოთ გაგრილებას,რათა პამიდორს კანი გავაცალოთ.უკვე კანგაცლილი პამიდორი ჩავჭრათ ბლენდერის ჭურჭელში,დავაჭრათ მოხარშული სტაფილოც,ჩავაყაროთ ხახვის მეოთხედები,დავაყაროთ ნახევარი ჩ.ჭ.ნიგოზი და ერთად დავაბლენდეროთ.
ერთი საშუალო ზომის ხახვი და ერთი საშუალო ზომის კბილი ნიორი დავჭრათ წვრილად და 3-4 ს.კ. ზეითუნის ზეთიან ტაფაზე მოვშუშოთ,სანამ ოქროსფერს არ მიიღებს.როდესაც უკვე მოიშუშება ხახვი/ნიორი,ბლენდერის ჭურჭრლიდან გადმოვიღოთ ბოსტნეული და ნიგოზი,უკვე დაბლენდერებული და დაბალ ცეცხზლე ავურიოთ ხახვსა და ნიორს.წამოვადუღოთ და ჩავუშვათ მიწალობიოიან ქვაბში.კარგად ავურიოთ.კერძს კონსისტენცია უნდა ჰქონდეს საშუალო,არც თხელი და არც სქელი.როდესაც კიდევ ერთხელ წამოდუღდება ქვაბში არსებული კერძი,გამოვრთოთ ცეცხლი,შევაზავოთ მარილით და დავამატოთ წვრილად დაჭრილი 1 კონა ოხრახუში.
სუფრაზე მიტანისას,თეფშზე მოთავსებულ კერძს,მოაყარეთ წვრილად დაჭრილი ოხრახუში.
გემრიელად მიირთვით. 🙂
მიწალობიო

ჩემი ცხოვრების ყველაზე რთული ერთი კვირა.

სტანდარტული

შარშან მარტში გავიკეთე ნაღვლის ბუშტის ლაპარასკოპიული ოპერაცია.ოპერაციამდე 6 თვით ადრე მოვხვდი სასწრაფო დახმარების ცენტრში,ნაღვლის ბუშტის შეტევით და ზედ დართული პანკრეატიტით.ყველაზე რთული გვერდითი მოვლენა მქონდა ამ ნაღვლის ბუშტის შეტევით გამოწვეული.ექიმმა(ქირურგმა) მოგვიანებით გულახდილად მამცნო,რომ შეიძლებოდა დავღუპულიყავი… ))) ღმერთმა დაგვიფარა ამ არასასურველი მოვლენისგან მე და ჩემი გოგო(ქმარიც,მაგრამ ჩვენ ორისთვის ვიქნებოდი მეტი დანაკლისი.ანა მაშინ 2 თვის იყო და ბუნებრივ კვებაზე იმყოფებოდა.ძვირფასო მეუღლევ,არ გეწყინოს. 😉 ) სასწრაფოში ნათესავმა წამიყვანა თავისი ავტომობილით,სწორედ მათი სტუმრობისას დამემართა უსასტიკესი შეტევა.თითქმის გონდაკარგული მიმიყვანეს სასწრაფოში.გასინჯვის,რენტგენის,ექოსკოპიის გადაღების შემდგეგ დამისვეს დიაგნოზი.მძიმე შემთხვევა ვიყავი და რა თქმა უნდა დამტოვეს.მინიმუმ ერთი კვირითო.ამასე საშინელ რამეს იმ დროს ვერ გავიგებდი.ვტიროდი და გავიძახოდი,რომ ვერ დავრჩები,სახლში 2 თვის ბავშვი მყავს და ძუძუზეა მეთქი… ვინ მომისმენდა,გაქანებული პანკრეატიტი მაქვს… ((( დამტოვეს.ის ღამე მკერდი გადამევსო.ვთხოვე ექთანს გამოსაწველი.არ გვაქვსო,ხვალ დილამდე არ მოხერხდება შემოტანაო.გადასხმებზე ვიყავი შეერთებული და დაძინება გამიჭირდა,თან რა დამაძინებდა სულ ანაზე ვფიქრობდი და ვდარდობდი…  როგორღაც გამთენიისკენ ჩამეძინა.დილით რომ გამაღვიძეს,უკვე სასწრაფოდან ჰოსპიტალში გადავყავდი,ყელიდან წელამდე ვიყავი რძისგან სველი.საზიზღრად ვგრძნობდი თავს.ბანაობა მინდოდა. მომცეს წყლის გადავლების უფლება,სუფთა პერანგი მომცეს და ამაგრიალეს სართულზე.გადასხმები,მკურნალობა,მკაცრი დიეტა.სიტყვებით ვერ გადმოვცემ თუ რა ტანჯვა გავიარე ამ ერთი კვირის განმავლობაში.ემოციური და ფიზიკური თვალსაზრისითაც.თითქმის 2 წელი გადის იმ ამბიდან და ახლაც არ შემიძლია მშვიდად ფიქრი ამაზე.მობილური მქონდა რა თქმა უნდა,მაგრამ უფრო მოსახერხებელი აღმოჩნდა პალატის ტელეფონი.ხშირად ველაპარაკებოდი ჩემს მეუღლეს,ანას ღუღუნს მასმენინებდა.ანა რომ დაიძინებდა შეყვარებულებივით საათობით ვლაპარაკობდით მთელი ღამე… ანას როცა აძინებდა მაშინაც საწოლის კარუსელის მუსიკა მესმოდა ყურმილში და ვტიროდი… იმ მუსიკის მოსმენაზე ახლაც ცუდი შეგრძნებები მეუფლება.2 თვის პატარა,თოთო ბავშვი – გამოუცდელ მეუღლესთან დატოვებული – რომელიც პირველ დღეებში ბოთლით რძეს არ იკარებდა და მერე ძლივს მიეჩვია.მატყუარასაც ამ დროს მიეჩვია… მე საავადმყოფოში დღეში სამჯერ რძეს ვიწველიდი,რათა არ დამკარგვოდა.ერთი კვირის მანძილზე ეს არის ნამდვილი ტანჯვა.მერე რძე მაგრდება და გჭირდება მასაჟი,ცხელი წყლის დუში.ვინაიდან მე საწოლში ვიწექი და ავად ვიყავი,დუშს ყოველი გამოწველის წინ ვერ მივიღებდი და ამიტომ ჩემს მეუღლეს უთო და საფენები მოვატანინე.ვაცხელებდი საფენებს,ვიფენდი მკერდზე,ვიმასაჟებდი და ასე თუ ისე რძე გამომქონდა… რამოდენიმეერ მირჩიეს ექთნებმა,რომ შეეშვი,ნუ იწვალებ თავსო.აქედან რომ წახვალ მაინც ვერ მისცემ 10 დღე მაინცო და მაგდენი ხანი როგორ უნდა იწვალოო.არ შემეძლო…. არ შემეძლო ეს ბუნებრივი,ყველაზე სასარგებლო საკვები წამერთმია ბავშვისთვის… პალატაში,ჩემს გვერდით მოხუცი ქალი იწვა,და გაოცებული მიყურებდა ხოლმე და სულ მამხნევებდა. 🙂 დედაჩემი მუშაობდა იმ დროს,საღამოს 6 საათიდან დილამდე.გურო შუადღის 3 საათამდე მუშაობდა,თან ბავშვი თან ჰყავდა.ჩვენი საცხოვრებელი პირობებიდან გამომდინარე,ასე ახერხებდა.და მას დრო ჰქონდა მხოლოდ 3 საათი,რათა დღეში ერთხელ მაინც ვენახულებინე საავადმყოფოში.მერე ბავშვს მარტო ხომ არ დატოვებდა.6 საათისთვის დედაჩემი სამსახურში უნდა წასულიყო. 🙂 და ხან ველოსიპედით,ხან ფეხით,ხან ავტობუსით დადიოდა ჩემთან,ცოტა ხანი გაჩერდებოდა,ჩავეხუტებოდით ერთმანეთს,ვიტირებდით და მალევე უნდა გამოქცეულიყო… საშინლად ვიყავი,როცა მიდიდოდა… არ მეგონა როდესმე თუ დასრულდებოდა ეს.მეგონა საუკუნოდ გაიწელა დრო საავადმყოფოში… პალატის გამყოფ ფარდას გადავწევდი და ვტიროდი,ვტირდი… არ მინდოდა იმ ქალს და მის მომვლელს დავენახე.ერთი ორჯერ მისაყვედურეს ასე ნუ ხარ განწყობილიო.მერე რომ დაამუღამეს თუ რატომ ვწევდი ფარდას,არ მაწევინებდნენ.მეხუმრებოდნენ,მართობდნენ და ყველანაირად ცდილობდნენ არ მომეწყინა… ანა საშინლად მენატრებოდა,ყურებში მესმოდა მისი ხმა,ტირილი… ღამე მესიზმრებოდა და მეღვიძებოდა… ძალიან რომ გამიჭირდა,ვთხოვე გუროს მოეყვანა რომ მენახა.არადა საავადმყოფოებში ასეთი პატარას მიყვანა არაა რეკომენდირებული,ათასი ვირუსი დადის…. იმედი მქონდა,რომ მისი ძლიერი იმუნიტეტეი და აცრები დაიცავდნენ… ანას ნახვამ ცოტა მომასულიერა.დედაჩემიც ახლდათ.იმდენი ეფერეს იმ ქალებმა ანას… 🙂 ყოველი წამი მახსოვს რომ ვითვლიდი,საშინლად ზლაზვნით გადიოდა დრო,ისე რომ მეგონა ზედ მაწვა უზარმაზარი ბეტონის კედელივით და მჭყლეტდა,სუნთქვას მიკრავდა…. ბოლოს როგორც იქნა დასრულდა ჩემი ტანჯვა და წავედი სახლში.გურომ წამიყვანა ტაქსით.მკურნალობა 10 დღე უნდა გამეგრძელებინა ანტიბიოტიკით და ანა კიდევ 10 დღე ვერ დაუბრუნდებოდა ბუნებრივ კვებას…
საავადმყოფოდან რომ გამოვედი,ასე მეგონა სხვა პლანეტიდან ჩამოვედი.ადამიანებს რომ ვხედავდი,ცხოველებს,მანქანებს,ხეებს,გიჟივით ვაკვირდებოდი ყველაფერს და გულში ვფიქრობდი,რა კარგია რომ ისევ ცოცხალი ვარ და ამ ყველაფერს ვხედავთქო.მაშინ მივხვდი თუ რამდენად ძვირფასია ყველაფერი ირგვლივ,ცოცხალი არსებები,უსულო საგნები… და ყველაზე მეტად მივხვდი იმას,თუ რა ძვირფასია სიცოცხლე და ჯანმრთელობა.იმ დროს განსაკუთრებით,როცა შვილი გყავს,პატარა უმწეო… შენს გარდა რომ ვერავინ გაუწევს დედობას,დედამიწის ზურგზე ვერავინ… რომ მხოლოდ შენ ერთი ხარ მისთის დედა და რომ ამიტომ უნდა გაუფრთხილდე ჯანმრთელობას,რომ შენს შვილს სჭირდები,ჰაერივით,სიცოცხლესავით… რომ შილის გაჩენა უზარმაზარი პასუხისმგებლობაა,რომ შენი სიცოცხლე მარტო შენ აღარ გეკუთვნის და რომ შენი სიცოცხლე ეკუთვნის მთლიანად შენს შვილს… და მივხვდი,რომ სიცოცხლეზე ძვიფასი არაფერია ამ ქვეყნად… არ ვიცი რამდენად გამომადგა გაკვეთილად და რამდენად ვუფრთხილდები ჯანმრთელობას,მაგრამ ჩემი ცხოვრების ეს ერთი კვირა ნამდვილად სამუდამოდ დამამახსოვრება როგოგორც მწარე გაკვეთილი,რომელიც არასოდეს უნდა დამავიწყდეს… გავუფრთხილდეთ რა ანმრთელობას და სიცოცხლეს,ყველას გთხოვთ…

პირადი გამოცდილება – პრაქტიკა 2.

სტანდარტული

Meditation Head 2

მეორე გაკვეთილი ეხება შემდეგ პრაქტიკას –  ფიზიკური ტკივილის დათრგუნვა.
დღეს,ნასადილევს,ფიზიკური დატვირთვა მომიწია.ყოველდღიური საქმიდან გამომდინარე მკვეთრი მოძრაობების გაკეთება მომიხდა,როგორიცაა მაგალითად  რამდენიმე ხნით წელში მოხრილ მდგომარეობაში ყოფნა და მოგეხსენებათ ახალ ნაჭამზე,სავსე კუჭით ამის გაკეთება არც ადვილია და არც სასარგებლო. და შემაწუხა ტკივილმა კუჭის ტერიტორიაზე.არ ვიცი კუჭის კუნთი დაიძაბა თუ ზოგადად დიაფრაგმას დააწვა ზედმეტი ძალა.ნუ,რაც იყო – ფაქტია,ძალიან შემაწუხა ტკივილმა.დივანზე მოვთავსდი მჯდომარე მდგომარეობაში(თან მეუღლეს ვესაუბრებოდი) და ავტომატურად,ინსტინქტურად ორივე ხელის გული დავილაგე მტკივნეულ ადგილზე და ასევე ავტომატურად(ლაპარაკის პარალელურად) დავიწყე დადებითი ენერგიის მიმართა ხელის გულებიდან მტკივნეულ ადგილზე.ხოლო ტკივილის ცენტრიდან უარყოფითი ენერგიის გამოზიდვა ასევე ხელისგულების მეშვეობით(რა თქმა უნდა ეს წარმოსახვის დონეზე ხდება). წამებში ვიგრძენი თუ როგორ ძალიან გამიხურდა მტკივნეული ადგილის ტერიტორია. ისე, რომ მეგონა დამეწვებოდა და მყისიერად მოვაშორე ხელები.შევამჩნიე,რომ ჩემმა მცდელობამ იმუშავა.ტკივილმა არა ნელ-ნელა,არამედ დაუყოვნებლივ გამიარა.ისევ დავილაგე ხელები მუცელზე და ისევ დავაკვირდი – კანი ისევ ისე გამიცხელდა,როგორც წინა მცდელობაზე.მანამდე,თუ  10 წუთის განმავლობაში ტკივილი განუწყვეტლივ მაწუხებდა,ხელების დალაგებისთანავე და შემავალ-გამომავალი ენერგიების ეფექტის წარმოსახვისთანავე,ტკივილი გაქრა.
ჩემი აზრით,ეს არის რწმენის დამსახურება.როგორც ცნობილია – რაც მეტად გვწამს რამის,მით მეტად ვაღწევთ მიზანს.
დარწმუნებული ვარ სხვა შემთხვევებშიც(ღმერთმა დამიფაროს ფიზიკური ან სულიერი ტკივილისგან,მეც და ყველაც) იმუშავებს ასეთივე წარმატებით.
ასეთივე მარტივი მეთოდი შეგვიძლია განვახორციელოთ რამე აზრის განსამტკიცებლად ჩვენს გონებაში.რათა დავარწმუნოთ ჩვენი თავი,თუ რა კარგია როდესაც საკუთარ სიზარმაცეს,კომპლექსებს,შიშს,გაუბედავობას და უამრავ სხვა მიზეზს დაძლევ,რაც ხელს გვიშლის მიზნების მიღწევაში და სურვილების,ოცნებების ასრულებაში.
მაგალითი:
ვთქვათ,ძალიან მინდა დავეუფლო რომელიმე უცხო ენას.
ვიდებ ხელებს საფეთქლებზე(ან სადაც ყველაზე მეტად იგრძნობთ,რომ გჭირდებათ  ენერგიის მიწოდება,სადაც  უკეთ შეგიძლიათ კონცენტრაციისთვის საორიენტაციო  წერტილები წარმოიდგინოთ,რათა მიმართოთ თქვენი ენერგია)და მიმართეთ მთელი თქვენი ყურადღება ამ ადგილებზე – წარმოიდგინეთ,როგორ გაედინება თქვენი ხელისგულებიდან დადებითი ენერგია ტალღებივით,რომელიც მუხტავს თქვენს გონებას იმ ენერგიით,რომელიც გჭირდებათ – ძალისხმევა,მონდომება,ენთუზიაზმი…

პირადი გამოცდილება – გაკვეთილი პირველი.

სტანდარტული

04_Meditando_naturalezaპირველ რიგში მინდა აღვნიშნო,რომ გაკვეთილი განკუთვნილია უპირველესად პირადად ჩემთვის და ვთქვათ ასე – ჩავინიშნავ ჩემს ყოველ წინწადგმულ ნაბიჯს ამ ბლოგზე.დღეს ნამდვილად წინწადგმული ნაბიჯი გამომივიდა პირადი პრაქტიკული სავარჯიშოებიდან.რამაც ჩემს თავში წარმოშვა იდეა,საკუთარ გვერდზე ჩამენიშნა ყველა(თუნდაც უმცირესი) წარმატება,რომელსაც საკუთარი თავის ტრანსფორმაციის საკითხში მივაღწევდი.
ამიტომაც ხაზს ვუსვამ,ეს საკმაოდ ამბიციური განაცხადი – ,,პირველი გაკვეთილი” –  მხოლოდ და მხოლოდ საკუთარ თავს მოიაზრებს მოსწავლედ.თუმცა აქვე დავამატებ,თუ კი ვინმეს გამოადგება რამეში ჩემეული გამოცდილება,ამით მხოლოდ ბედნიერი ვიქნები.მაგალითად,ჩემი მეუღლე,რომელიც სკეპტიკურადაა ზოგადად ამ სფეროსადმი განწყობილი,ცოტა არ იყოს და დაინტერესდა,როდესაც აღფრთოვანებული ვუყვებოდი ჩემი პატარა წარმატების შესახებ.
მაშ,ასე.დღეს ჩემთვის დიდად სასიამოვნო,აღმაფრენამდე სიხარულის მომგვრელი წარმატება განვიცადე ჩემკენ პოზიტიური ენერგიის მომართვის საკითხში.
დავიწყებ თავიდან.წუხელის მალაგაში გაუსაძლისი სიცხე იყო.ეს ბოლო დღეებია აფრიკის მხურვალე ჰაერი ე.წ. ,,terra”  გადაეფარა ესპანეთის სამხრეთს და ხვატი,ცხელი ქარი,ნესტის სზომოდ მაღალი დონე – გაუსაძლისია აქ ცხოვრება ასეთ დროს.და მოკლედ,წუხელის ისე გამიჭირდა,რომ დაძინება ვერ შევძელი.დილით დანგრეული,გამოუძინებელი ავდექი და ვიყავი საშინლად დაუძლურებული,გამოფიტული.რადგანაც საღამოს საათებში წასასვლელი ვარ საქმეზე,ენერგია,ხალისი და კარგი ხასიათი მესაჭიროებოდა სასწრაფოდ.არადა დარჩენილი მაქვს სულ რაღაც 3 საათი.ვცადე დაძინება,მაგრამ ისევ იმ მიზეზით(სიცხე)ვერ შევძელი.და სწორედ ამ დროს გამახსენდა დავკავებულიყავი სიყვარულის პრაქტიკით( იხ.აქ:   http://olmek.ru/Sikvarulis%20praqtika.htm   ) და ვიზუალიზაციით,რომელიც ჩემზე საკმაოთ დადებითად მოქმედებდა უახლოეს წარსულში.ავიღე ტელეფონი და ყურსასმენები,დავსერჩე იუთუბზე meditation music (რადგან ჯერ მთლად კარგად ვერ ვერკვევი კონკრეტულად რომელი მუსიკა მსიამოვნებს,არჩევის პროცესში ვარ) და უკვე რამოდენიმეჯერ გამოცდილი ავირჩიე.მაგალითად ეს:

ახლა ჩემი აზრობრივი განწყობა:
1)ვცდილობ ვიზუალიზაცია განვახორციელო.
2)მოვიზიდო დადებითი აზრები.
3)განვიცადო სოამოვნება ამ აზრების გათავისებისას.

1.
ე.ი.როგორ ვახორციელებ ვიზუალიზაციას.მარტივად – ვცდილობ წარმოსახვაში დავინახო ის,რაც მე მინდა.კიდევ უფრო მარტივად – ნათლად ვხედავ ფიგურებს,ფერებს,სახეებს,ფორმებს,ნივთებს,პიროვნებებს.
მაგალითად: ვხედავ მწვანე მდელოს,მობიბინე ბალახს და ამ ბალახებში გაბნეულ ყვითელ ბაბუაწვერებს.ვწევარ გულაღმა ამ ხასხასა,პრიალა ბალახზე და ვაკვირდები ნიავის მოძრაობას,რომელიც ტალღებივით ამოძრავებს აბიბინებულ ბალახს და ჰაერში აფრიალებს ბაბუაწვერას დაშლილ ყვევილედებს…. ამ ყველაფერს ვხედავ ნათლად და განვიცდი იმ სიხარულს და სიამოვნებას,რასაც ზოგადად ბუნებასთან სიახლოვე მანიჭებს.
პ.ს. ბუნებასთან სიახლოვე ენერგიას გვანიჭებს.
ვიზაულიზაციის სხვა მაგალითები:
ა)სასურველი სახლი(სასურველი დეტალებით).
ბ)სასურველი ავტომობილი(ასევე სასურველი დეტალებით).
გ)სასურველი პიროვნება,სასურველი სურვილებით მასთან.
დ)სასურველი ფიგურა(წონა,ფოფორმები);სასურველი გარეგნობა(თმის ფერი,სიგრძე და ა.შ. დეტალები).
და ა.შ.

2.
როგორ ვიზიდავ პოზიტიურ აზრებს:

ვფიქრობ მხოლოდ და მხოლოდ იმაზე,თუ რა მინდა რომ მქონდეს.ვფიქრობ მხოლოდ იმ ადამიანებზე,ვინც მინდა რომ ჩემთან იყვნენ და კარგად,ბედნიერად გრძნობდნენ თავს.აქ მე მგონი ყველა შეძლებას საკუთარი ინდივიდუალური აზრები მოიზიდოს.ვფიქრობთ ჩვენს ოცნებებზე,მარტივად რომ ვთქვა.და რაც მეტჯერ და რაც მეტი სიხშირით  ვიფიქრებთ ამ ოცნებებზე,მით მეტად იზრდება შანსი განხორციელდნენ ისინი.გავიხსენოთ მიზიდულობის კანონის თეორიიდან: ,,ფიქრი ხორცს ისხამს,ხორციელდება და ხდება მატერიალური”.

 

3.
როგორ განვიცადო სიხარული,სიამოვნება ფიქრის დროს?
მე მაგალითად თავიდან არ გამომდიოდა ეს.მაგრამ ასე ვთქვათ თანდათან ,,დავამუღამე”.
მაგალითი:
წარმოიდგინე ის,რაც ყველაზე მეტად გინდა ამ ქვეყნად.
ჩემი მაგალითი:
წარმოვიდგენ რომ ვარ ისევ 58 კგ და ის ჯინსი მაცვია,რომელიც ყველა ტანსაცმელზე მეტად მიყვარდა,34 წლის განმავლობაში თუ რამე მქონია.
და ამას როცა მთელი სიცხადით წარმოიდგენ,უდიდესი სიამოვნება მოიცავს შენს გონებას და ეს იმდენად დიდი იმპულსია,მთელს სხეულში გივლის ჟრუანტელი.
მაგალითი 2:
წარმოვიდგენ,რომ მაქვს ის სახლი –  იმ დეტალებით,რომელზეც მუდამ მიოცნებია და ეს მანიჭებს დიდი სიხარულის შეგრძნებას.ამჯერადაც ვგრძნობ ჯრუანტელის დავლას ძარღვებში.
ე.ი. ამას ქვია სიამოვნებისა და სიხარულის განცდა.და ასეთი გულწრფელი პოზიტივია ელვის სისწრაფით რომ მიექანება სამყაროში,რათა მერე უკან დაგვიბრუნდეს.

 

 

მაშასადამე,ჩემი დღევანდელი პრაქტიკისას განვახორციელე შემდეგი რამ:
1) სიყვარულის პრაქტიკა(მაქვს კრიალოსანი და ყოველი მარცვალი ნიშნავს კონკრეტული ადამიანისადმი გაგზავნილ სიყვარულს.80 მარცვალი არის ჩემს კრიალოსანზე და ორ წრეს(ზოგჯერ მეტსაც) ვავლებ ხოილმე.ანუ 160  ადამიანს (ჩემი საახლობლოდან) ვუგზავნი სიყვარულს აზრობრივად.(ამას ღამით ვაკეთებ ხოლმე,მაგრამ ამერად დღისით გავაკეთე.ზოგადად რაც მეტერ გავაკეთებთ სიყვარულის პრაქტიკას დღეში,მით მეტად დადებითი ენერგიით ვიმუხტებით(ჩვენი აურა).ნუ,მე ასე მესმის და ჯერერობით კმაყოფილი ვარ ჩემეული პრაქტიკით.
2)ვაკეთებ ზემოთ მოხსენიებულ ვიზუალიზაციას(თავისი 2 მომდევნო პუნქტითურთ)
და ამ ყველაფერს ფონად უდევს რომელიმე სამედიტაციო მუსიკა,განწყობისთის და რელაქსაციისთვის.
3)ამ სავარჯიშოს სჭირდება აუცილებლად ზურგზე დაწოლა.სასურველია თუ თავი სწორად გვედება.თუ არადა შეგვიძლია თხელ ბალიშზე დავდოთ,თუ კი ასე უფრო გვსიამოვბნებს.მტავარია,მთელი სხეული იყოს კომფორტულად და მოდუნებული.აუცილებელია ყველა კუნთი,ყველა სახსარი მოვადუნოთ და შევიგრძნოთ ეს დუნე მდგომარეობა.
სიმართლე რომ ვთქვა,მე სიყვარულის პორაქტიკასაც,ვიზუალიზაციასაც ვაკეთებ დაწოლილ მდგომარეობაში.თუმცა ეს ორი სხვა პოზაშიც შესაძლებელია.
მოკლედ მესამე სავარიშო არის შემდეგი:
ვწვებით ან საწოლზე,ან იატაკზე გაშლილ რბილი რეზინის საფენზე,ხელები სხეულის პარალელურად და ვართ რაც შეიძლება მოდუნებული.თვალები დახუჭული და ვუსმენთ სასიამოვნო,დაბალ ხმაზე მედიტაციის ნებისმიერ მუსიკას.
ვცდილობთ მოვდუნდეთ მაქსიმალურად და არაფერზე ვიფიქროთ.ვეცადოთ თავიდან გამოვიბერტყოთ ყველა აზრი – გავაცარიელოთ ჩვენი აზროვნება.
კონცენტრირებას ვახდენთ აზრობრივად მხოლოდ ჩვენს სხეულზე,რომელსაც დავყურებთ ზემოდან.ვხედავთ ფეხებს,მკლავებს,ტორსს,ყელს,სახეს,დახუჭულ თვალებს,თავს…ნუ ხვდებით ალბათ ამას ვხედავთ წარმოსახვით,აზრობრივათ და არა სინამდვილეში. :დ
ვხედავთ როგორ გვივლის ფეხის ტერფებზე მსუბუქი,ჰაეროვანი,ფერადი(მწვანე,ნარინისფერი,ლური)ტალღა.გვეხვევა ტერფებზე,მერე წვივებზე,მერე ბარძაყებზე,თეძოებზე,მუცელზე,მკერდზე,გადადის ორივე მხარეს და ეხვევა მკლავებზე,ამოდის ყელზე,ეხვევა ყელს,სახეს და ეხვევა თავს.ამას ვაკეთებთ ძალიან ნელა.ანუ სხვეულის ნაწილებზე ფეხებიდან ზემოთ,ვანაწილებთ ტალღის შემოხვევას ძალიან ნელ ტემპში.წარმოვიდგინოთ რომ ფერადი კვამლი გვეხვევა სხეულზე და ბოლოს,როცა უკვე თავსაც დაფარავს,ჭუპრივით შიგ მოქცეულებად წარმოვიდგინოთ თავი.ანუ ეს კვამლი,ეს ტალღა არის პოზიტიური ენერგია,რომელმაც მთლიანად ჩვენი სხეული მოიცვა.
დაყავაით ამ მადგომარეობაში მანამ,სანამ არ იგრძნობთ რომ დაიმუხტეთ საბოლოოდ და ასე ვთქვათ – მეტი აღარ გინდათ.

გარწმუნებთ,მე ახალი ადამიანი ავდექი საწოლიდან.ჩემზე იმოქმედა არაჩვეულებრივად. ჩემი დაღლილობა,უენერგიობა,სიზარმაცე,უხალისობა,მოთენთილობა,გამოფიტულობა,დანგრეულობა,უძილობა,ტავისტკივილი ჯადოსნურად გაქრა სადღაც ამ პრაქტიკის განხორციელებისთანავე.და ზუსტად 20 წუთი მოვანდომე ამ ყველაფერს.თამამად ვიტყვი – 20 წუთში საწოლიდან ავდექი სრულიან სხვა ადამიანი. 🙂