პირადი გამოცდილება – პრაქტიკა 2.

Standard

Meditation Head 2

მეორე გაკვეთილი ეხება შემდეგ პრაქტიკას –  ფიზიკური ტკივილის დათრგუნვა.
დღეს,ნასადილევს,ფიზიკური დატვირთვა მომიწია.ყოველდღიური საქმიდან გამომდინარე მკვეთრი მოძრაობების გაკეთება მომიხდა,როგორიცაა მაგალითად  რამდენიმე ხნით წელში მოხრილ მდგომარეობაში ყოფნა და მოგეხსენებათ ახალ ნაჭამზე,სავსე კუჭით ამის გაკეთება არც ადვილია და არც სასარგებლო. და შემაწუხა ტკივილმა კუჭის ტერიტორიაზე.არ ვიცი კუჭის კუნთი დაიძაბა თუ ზოგადად დიაფრაგმას დააწვა ზედმეტი ძალა.ნუ,რაც იყო – ფაქტია,ძალიან შემაწუხა ტკივილმა.დივანზე მოვთავსდი მჯდომარე მდგომარეობაში(თან მეუღლეს ვესაუბრებოდი) და ავტომატურად,ინსტინქტურად ორივე ხელის გული დავილაგე მტკივნეულ ადგილზე და ასევე ავტომატურად(ლაპარაკის პარალელურად) დავიწყე დადებითი ენერგიის მიმართა ხელის გულებიდან მტკივნეულ ადგილზე.ხოლო ტკივილის ცენტრიდან უარყოფითი ენერგიის გამოზიდვა ასევე ხელისგულების მეშვეობით(რა თქმა უნდა ეს წარმოსახვის დონეზე ხდება). წამებში ვიგრძენი თუ როგორ ძალიან გამიხურდა მტკივნეული ადგილის ტერიტორია. ისე, რომ მეგონა დამეწვებოდა და მყისიერად მოვაშორე ხელები.შევამჩნიე,რომ ჩემმა მცდელობამ იმუშავა.ტკივილმა არა ნელ-ნელა,არამედ დაუყოვნებლივ გამიარა.ისევ დავილაგე ხელები მუცელზე და ისევ დავაკვირდი – კანი ისევ ისე გამიცხელდა,როგორც წინა მცდელობაზე.მანამდე,თუ  10 წუთის განმავლობაში ტკივილი განუწყვეტლივ მაწუხებდა,ხელების დალაგებისთანავე და შემავალ-გამომავალი ენერგიების ეფექტის წარმოსახვისთანავე,ტკივილი გაქრა.
ჩემი აზრით,ეს არის რწმენის დამსახურება.როგორც ცნობილია – რაც მეტად გვწამს რამის,მით მეტად ვაღწევთ მიზანს.
დარწმუნებული ვარ სხვა შემთხვევებშიც(ღმერთმა დამიფაროს ფიზიკური ან სულიერი ტკივილისგან,მეც და ყველაც) იმუშავებს ასეთივე წარმატებით.
ასეთივე მარტივი მეთოდი შეგვიძლია განვახორციელოთ რამე აზრის განსამტკიცებლად ჩვენს გონებაში.რათა დავარწმუნოთ ჩვენი თავი,თუ რა კარგია როდესაც საკუთარ სიზარმაცეს,კომპლექსებს,შიშს,გაუბედავობას და უამრავ სხვა მიზეზს დაძლევ,რაც ხელს გვიშლის მიზნების მიღწევაში და სურვილების,ოცნებების ასრულებაში.
მაგალითი:
ვთქვათ,ძალიან მინდა დავეუფლო რომელიმე უცხო ენას.
ვიდებ ხელებს საფეთქლებზე(ან სადაც ყველაზე მეტად იგრძნობთ,რომ გჭირდებათ  ენერგიის მიწოდება,სადაც  უკეთ შეგიძლიათ კონცენტრაციისთვის საორიენტაციო  წერტილები წარმოიდგინოთ,რათა მიმართოთ თქვენი ენერგია)და მიმართეთ მთელი თქვენი ყურადღება ამ ადგილებზე – წარმოიდგინეთ,როგორ გაედინება თქვენი ხელისგულებიდან დადებითი ენერგია ტალღებივით,რომელიც მუხტავს თქვენს გონებას იმ ენერგიით,რომელიც გჭირდებათ – ძალისხმევა,მონდომება,ენთუზიაზმი…

პირადი გამოცდილება – გაკვეთილი პირველი.

Standard

04_Meditando_naturalezaპირველ რიგში მინდა აღვნიშნო,რომ გაკვეთილი განკუთვნილია უპირველესად პირადად ჩემთვის და ვთქვათ ასე – ჩავინიშნავ ჩემს ყოველ წინწადგმულ ნაბიჯს ამ ბლოგზე.დღეს ნამდვილად წინწადგმული ნაბიჯი გამომივიდა პირადი პრაქტიკული სავარჯიშოებიდან.რამაც ჩემს თავში წარმოშვა იდეა,საკუთარ გვერდზე ჩამენიშნა ყველა(თუნდაც უმცირესი) წარმატება,რომელსაც საკუთარი თავის ტრანსფორმაციის საკითხში მივაღწევდი.
ამიტომაც ხაზს ვუსვამ,ეს საკმაოდ ამბიციური განაცხადი – ,,პირველი გაკვეთილი” –  მხოლოდ და მხოლოდ საკუთარ თავს მოიაზრებს მოსწავლედ.თუმცა აქვე დავამატებ,თუ კი ვინმეს გამოადგება რამეში ჩემეული გამოცდილება,ამით მხოლოდ ბედნიერი ვიქნები.მაგალითად,ჩემი მეუღლე,რომელიც სკეპტიკურადაა ზოგადად ამ სფეროსადმი განწყობილი,ცოტა არ იყოს და დაინტერესდა,როდესაც აღფრთოვანებული ვუყვებოდი ჩემი პატარა წარმატების შესახებ.
მაშ,ასე.დღეს ჩემთვის დიდად სასიამოვნო,აღმაფრენამდე სიხარულის მომგვრელი წარმატება განვიცადე ჩემკენ პოზიტიური ენერგიის მომართვის საკითხში.
დავიწყებ თავიდან.წუხელის მალაგაში გაუსაძლისი სიცხე იყო.ეს ბოლო დღეებია აფრიკის მხურვალე ჰაერი ე.წ. ,,terra”  გადაეფარა ესპანეთის სამხრეთს და ხვატი,ცხელი ქარი,ნესტის სზომოდ მაღალი დონე – გაუსაძლისია აქ ცხოვრება ასეთ დროს.და მოკლედ,წუხელის ისე გამიჭირდა,რომ დაძინება ვერ შევძელი.დილით დანგრეული,გამოუძინებელი ავდექი და ვიყავი საშინლად დაუძლურებული,გამოფიტული.რადგანაც საღამოს საათებში წასასვლელი ვარ საქმეზე,ენერგია,ხალისი და კარგი ხასიათი მესაჭიროებოდა სასწრაფოდ.არადა დარჩენილი მაქვს სულ რაღაც 3 საათი.ვცადე დაძინება,მაგრამ ისევ იმ მიზეზით(სიცხე)ვერ შევძელი.და სწორედ ამ დროს გამახსენდა დავკავებულიყავი სიყვარულის პრაქტიკით( იხ.აქ:   http://olmek.ru/Sikvarulis%20praqtika.htm   ) და ვიზუალიზაციით,რომელიც ჩემზე საკმაოთ დადებითად მოქმედებდა უახლოეს წარსულში.ავიღე ტელეფონი და ყურსასმენები,დავსერჩე იუთუბზე meditation music (რადგან ჯერ მთლად კარგად ვერ ვერკვევი კონკრეტულად რომელი მუსიკა მსიამოვნებს,არჩევის პროცესში ვარ) და უკვე რამოდენიმეჯერ გამოცდილი ავირჩიე.მაგალითად ეს:

ახლა ჩემი აზრობრივი განწყობა:
1)ვცდილობ ვიზუალიზაცია განვახორციელო.
2)მოვიზიდო დადებითი აზრები.
3)განვიცადო სოამოვნება ამ აზრების გათავისებისას.

1.
ე.ი.როგორ ვახორციელებ ვიზუალიზაციას.მარტივად – ვცდილობ წარმოსახვაში დავინახო ის,რაც მე მინდა.კიდევ უფრო მარტივად – ნათლად ვხედავ ფიგურებს,ფერებს,სახეებს,ფორმებს,ნივთებს,პიროვნებებს.
მაგალითად: ვხედავ მწვანე მდელოს,მობიბინე ბალახს და ამ ბალახებში გაბნეულ ყვითელ ბაბუაწვერებს.ვწევარ გულაღმა ამ ხასხასა,პრიალა ბალახზე და ვაკვირდები ნიავის მოძრაობას,რომელიც ტალღებივით ამოძრავებს აბიბინებულ ბალახს და ჰაერში აფრიალებს ბაბუაწვერას დაშლილ ყვევილედებს…. ამ ყველაფერს ვხედავ ნათლად და განვიცდი იმ სიხარულს და სიამოვნებას,რასაც ზოგადად ბუნებასთან სიახლოვე მანიჭებს.
პ.ს. ბუნებასთან სიახლოვე ენერგიას გვანიჭებს.
ვიზაულიზაციის სხვა მაგალითები:
ა)სასურველი სახლი(სასურველი დეტალებით).
ბ)სასურველი ავტომობილი(ასევე სასურველი დეტალებით).
გ)სასურველი პიროვნება,სასურველი სურვილებით მასთან.
დ)სასურველი ფიგურა(წონა,ფოფორმები);სასურველი გარეგნობა(თმის ფერი,სიგრძე და ა.შ. დეტალები).
და ა.შ.

2.
როგორ ვიზიდავ პოზიტიურ აზრებს:

ვფიქრობ მხოლოდ და მხოლოდ იმაზე,თუ რა მინდა რომ მქონდეს.ვფიქრობ მხოლოდ იმ ადამიანებზე,ვინც მინდა რომ ჩემთან იყვნენ და კარგად,ბედნიერად გრძნობდნენ თავს.აქ მე მგონი ყველა შეძლებას საკუთარი ინდივიდუალური აზრები მოიზიდოს.ვფიქრობთ ჩვენს ოცნებებზე,მარტივად რომ ვთქვა.და რაც მეტჯერ და რაც მეტი სიხშირით  ვიფიქრებთ ამ ოცნებებზე,მით მეტად იზრდება შანსი განხორციელდნენ ისინი.გავიხსენოთ მიზიდულობის კანონის თეორიიდან: ,,ფიქრი ხორცს ისხამს,ხორციელდება და ხდება მატერიალური”.

 

3.
როგორ განვიცადო სიხარული,სიამოვნება ფიქრის დროს?
მე მაგალითად თავიდან არ გამომდიოდა ეს.მაგრამ ასე ვთქვათ თანდათან ,,დავამუღამე”.
მაგალითი:
წარმოიდგინე ის,რაც ყველაზე მეტად გინდა ამ ქვეყნად.
ჩემი მაგალითი:
წარმოვიდგენ რომ ვარ ისევ 58 კგ და ის ჯინსი მაცვია,რომელიც ყველა ტანსაცმელზე მეტად მიყვარდა,34 წლის განმავლობაში თუ რამე მქონია.
და ამას როცა მთელი სიცხადით წარმოიდგენ,უდიდესი სიამოვნება მოიცავს შენს გონებას და ეს იმდენად დიდი იმპულსია,მთელს სხეულში გივლის ჟრუანტელი.
მაგალითი 2:
წარმოვიდგენ,რომ მაქვს ის სახლი –  იმ დეტალებით,რომელზეც მუდამ მიოცნებია და ეს მანიჭებს დიდი სიხარულის შეგრძნებას.ამჯერადაც ვგრძნობ ჯრუანტელის დავლას ძარღვებში.
ე.ი. ამას ქვია სიამოვნებისა და სიხარულის განცდა.და ასეთი გულწრფელი პოზიტივია ელვის სისწრაფით რომ მიექანება სამყაროში,რათა მერე უკან დაგვიბრუნდეს.

 

 

მაშასადამე,ჩემი დღევანდელი პრაქტიკისას განვახორციელე შემდეგი რამ:
1) სიყვარულის პრაქტიკა(მაქვს კრიალოსანი და ყოველი მარცვალი ნიშნავს კონკრეტული ადამიანისადმი გაგზავნილ სიყვარულს.80 მარცვალი არის ჩემს კრიალოსანზე და ორ წრეს(ზოგჯერ მეტსაც) ვავლებ ხოილმე.ანუ 160  ადამიანს (ჩემი საახლობლოდან) ვუგზავნი სიყვარულს აზრობრივად.(ამას ღამით ვაკეთებ ხოლმე,მაგრამ ამერად დღისით გავაკეთე.ზოგადად რაც მეტერ გავაკეთებთ სიყვარულის პრაქტიკას დღეში,მით მეტად დადებითი ენერგიით ვიმუხტებით(ჩვენი აურა).ნუ,მე ასე მესმის და ჯერერობით კმაყოფილი ვარ ჩემეული პრაქტიკით.
2)ვაკეთებ ზემოთ მოხსენიებულ ვიზუალიზაციას(თავისი 2 მომდევნო პუნქტითურთ)
და ამ ყველაფერს ფონად უდევს რომელიმე სამედიტაციო მუსიკა,განწყობისთის და რელაქსაციისთვის.
3)ამ სავარჯიშოს სჭირდება აუცილებლად ზურგზე დაწოლა.სასურველია თუ თავი სწორად გვედება.თუ არადა შეგვიძლია თხელ ბალიშზე დავდოთ,თუ კი ასე უფრო გვსიამოვბნებს.მტავარია,მთელი სხეული იყოს კომფორტულად და მოდუნებული.აუცილებელია ყველა კუნთი,ყველა სახსარი მოვადუნოთ და შევიგრძნოთ ეს დუნე მდგომარეობა.
სიმართლე რომ ვთქვა,მე სიყვარულის პორაქტიკასაც,ვიზუალიზაციასაც ვაკეთებ დაწოლილ მდგომარეობაში.თუმცა ეს ორი სხვა პოზაშიც შესაძლებელია.
მოკლედ მესამე სავარიშო არის შემდეგი:
ვწვებით ან საწოლზე,ან იატაკზე გაშლილ რბილი რეზინის საფენზე,ხელები სხეულის პარალელურად და ვართ რაც შეიძლება მოდუნებული.თვალები დახუჭული და ვუსმენთ სასიამოვნო,დაბალ ხმაზე მედიტაციის ნებისმიერ მუსიკას.
ვცდილობთ მოვდუნდეთ მაქსიმალურად და არაფერზე ვიფიქროთ.ვეცადოთ თავიდან გამოვიბერტყოთ ყველა აზრი – გავაცარიელოთ ჩვენი აზროვნება.
კონცენტრირებას ვახდენთ აზრობრივად მხოლოდ ჩვენს სხეულზე,რომელსაც დავყურებთ ზემოდან.ვხედავთ ფეხებს,მკლავებს,ტორსს,ყელს,სახეს,დახუჭულ თვალებს,თავს…ნუ ხვდებით ალბათ ამას ვხედავთ წარმოსახვით,აზრობრივათ და არა სინამდვილეში. :დ
ვხედავთ როგორ გვივლის ფეხის ტერფებზე მსუბუქი,ჰაეროვანი,ფერადი(მწვანე,ნარინისფერი,ლური)ტალღა.გვეხვევა ტერფებზე,მერე წვივებზე,მერე ბარძაყებზე,თეძოებზე,მუცელზე,მკერდზე,გადადის ორივე მხარეს და ეხვევა მკლავებზე,ამოდის ყელზე,ეხვევა ყელს,სახეს და ეხვევა თავს.ამას ვაკეთებთ ძალიან ნელა.ანუ სხვეულის ნაწილებზე ფეხებიდან ზემოთ,ვანაწილებთ ტალღის შემოხვევას ძალიან ნელ ტემპში.წარმოვიდგინოთ რომ ფერადი კვამლი გვეხვევა სხეულზე და ბოლოს,როცა უკვე თავსაც დაფარავს,ჭუპრივით შიგ მოქცეულებად წარმოვიდგინოთ თავი.ანუ ეს კვამლი,ეს ტალღა არის პოზიტიური ენერგია,რომელმაც მთლიანად ჩვენი სხეული მოიცვა.
დაყავაით ამ მადგომარეობაში მანამ,სანამ არ იგრძნობთ რომ დაიმუხტეთ საბოლოოდ და ასე ვთქვათ – მეტი აღარ გინდათ.

გარწმუნებთ,მე ახალი ადამიანი ავდექი საწოლიდან.ჩემზე იმოქმედა არაჩვეულებრივად. ჩემი დაღლილობა,უენერგიობა,სიზარმაცე,უხალისობა,მოთენთილობა,გამოფიტულობა,დანგრეულობა,უძილობა,ტავისტკივილი ჯადოსნურად გაქრა სადღაც ამ პრაქტიკის განხორციელებისთანავე.და ზუსტად 20 წუთი მოვანდომე ამ ყველაფერს.თამამად ვიტყვი – 20 წუთში საწოლიდან ავდექი სრულიან სხვა ადამიანი. :)

ძველი სასაფლაოს ბინადარნი

Standard

ამ პოსტში,ესპანური ლუდის ,,სან-მიგელი” (ცივ-ცივი და უალკოჰოლო :დ) თანხლებით მინდა ვისაუბრო ესპანეთში,ქალაქ მალაგაში არსებულ ერთ ძველ სასაფლაოზე,რომელიც ცნობილი გახდა იქ განვითარებული დაუჯერებელი ამბებით და რომელიც  გახლავთ (უცნაური დამთხვევით) სან-მიგელის სახელობის.(წერის დროს შევცნიშნე ეს უცნაური დამთხვევა და არ შემეძლო არ აღმენიშნა. :დ )
მაშასადამე,დავიწყოთ ამ სასაფლაოს დაარსების ისტორიის თხრობით.
სან-მიგელის სახელობის სასაფლაო ქალაქ მალაგის  ცენტრიდან არც თუ ისე შორს და არც მთლად გარეუბანში მდებარეობს. თანამედროვე სტილის მრავალსართულიან საცხოვრებელ სახლებს  შორის,თითქოს და უადგილოდ ჩაჩრილი ეს მიწის ნაკვეთი,სადაც სამუდამო განსასვენებელი უპოვიათ გარდაცვლილთა ნეშტებს – ხელოვნების ნიმუში ძეგლებით, მონუმენტებით არის მჭიდროდ დაკომპლექტებული.ისე რომ,ლამის ,,ნემსის ჩასაგდები ადგილი” არ არის დარჩენილი საფლავებს,აკლდამებს შორის.სასაფლაო 1810 წელს იქნა გახსნილად გამოცხადებული და იმ დროინდელი არისტოკრატიისთვის ამ საპატიო ადგილზე სამუდამო განსასვენებლად კურთხეული.
19 საუკუნის დასაწყისში,ესპანეთის სამხრეთში არსებულ ქალაქს ინდუსტრიული აღმავლობის პერიოდი ედგა.ამ პერიოდში აღორძინდა მრეწველობა,რამაც ქალაქის რამდენიმე ბინადარს დიდი ფინანსური და იერარქიული წარმატება მოუტანა.სრულიად უტიტულო,მაგრამ მდიდარი ადამიანები ქალქის და ქვეყნის არისტოკრატიას დაუნათესავდა და ამ კავშირებმა წარმოშვა ახალი ე.წ. ,,ნაღები” საზოგადოება,რომელიც მდიდარ საქმოსნად გარდაქმნილ,ჯიბეგამოფხეკილ მუშადან დაწყებული -  გრაფებით და მარკზებით დასრულებულ  მე-19 საუკუნის ესპანეთის და კერძოდ ანდალუსიის არისტოკრატიას წარმოადგენდა. მათ შექმნეს იმ იერსახის მთავარი  ნაწილი,რაც დღესაც ამშვენებს ამ ზღვისპირა ქალაქს.ერთი დიდი სოფლიდან შექმნეს უზარმაზარი ინდუსტრიული ქალაქი.
ბევრი რომ არ გამიგრძელდეს ქალაქის განვითარების ისტორიის შესახებ,აქ დავამთავრებ იმ გრანდიოზული ღონისძიებების შესახებ თხრობას,რაც იმ დროინდელმა არისტოკრატიამ შექმნა ქალაქისთვის.დავუბრუნდები  ქალაქისთვის.დავუბრუნდები სასაფლაოს თემას და განვაგრძობ იმ ამბის თხრობას,რისთვისაც ეს მცირედი წინასიტყვაობა წავუმძღვარე.სან-მიგელის სახელობის სასაფლაო გახდა საბოლოო ნავსაყუდელი იმ საზოგადო მოღვაწეთა,ვინც ზოგადი სახით ზემოთ მოვიხსენიე  მეცხრამეტე საუკუნის ქალაქის ,,ნაღებ საზოგადოებად’’..სწორედ მათი განსასვენებელი გახდა ეს პატარა კიუთხე ქალაქისა,სადაც დღეს ტურისტული  ვიზიტები მიმდინარეობს და  რაც ქალაქის ერთ-ერთ ისტორიულ-კულტურულ ძეგლად არის მიჩნეული თავისი მდიდრული აკლდამებით და საგვარეულო სამარხებით.(ქვემოთ ჩემს მიერ გადაღებულ ფოტოებსაც შემოგთავაზებთ).
სასაფლაოს ტერიტორიაზე არის პატარა სამლოცველო ტაძარი,სადაც დაარსების დღიდან მრავალი წლის განმავლობაში მიმდინარეობდა საეკლესიო ღონისძიებები,წირვა,მწუხრის ლოცვები,პარაკლისები და ა.შ.სამლოცველოს ემსახურებოდნენ სასულიერო პირნი – მღვდელი,ბერები და ჰყავდა დარაჯთა გუნდიც.თავისი არსებობის მანძილზე,რამდენიმე მღვდელი სიცოცხხლის უკანაკსნელ წუთებამდე ემსახურებოდნენ პატარა ტაძარს და სასაფლაოს ტერიტორიაზე არიან დაკრძალულნი.
ამამად სამლოცველოს თავისი ფუნქცია გაუქმებული აქვს.ღვთისმსახურება აღარ მიმდინარეობს და უმეტეს წილად ახურული გახლავთ.ზოგ ქრისტიანულ დღესასწაულზე იხსნება მხოლოდ,ისიც დილის საათებში.
ვინაიდან,როგორც უცხოელი დამთვალიერებლისთვის,ასევე ადგილობრივი მცხოვრებლებისთვისაც დიდი ინტერესის ობიექტს წარმოადგენს სან მიგელის სახელობის სასაფლაო,დღემდე ემსახურება მას რამდენიმე პიროვნება.1987 წელს გარდაცვლილი მღვდელის შემდგომ,სამლოცველო ჩააბარეს  ბერს,სახელად ხოსეს.მღვდლის გარდაცვალების შემდგომ,ბერი დაბინავდა სამლოცველოს გვერდით არსებულ სენაკში და მთელ დროს დღემდე სასაფლაოს ტერიოტორიაზე ატარებს.ის გიდის და ეკლესიის მეთვალყურის როლებს ერთდროულად ითავსებს.ათასობით დამთვალიერებელი იცნობს ძმა პეპეს(ხოსეს შინაურული სახელი) მისი აქ მოღვაწეობის მანძილზე.ის ყველას მიმართ ზედმიწევნით ყურადღებიანი,მჭერმეტყველი,დაუზარელი და მეგობრულია,ამიტომაც მოიპოვა სასაფლაოს მუდმივი დამთვალიერებლის პატივისცემა და სიყვარული.ჩემთანაც  მეგობრული დამოკიდებულება აქვს(ამდენჯერ შეხვედრის მერე,დავმეგობრდით.მე და ჩემმა მეუღლემ სამხარზეც დავპატიჟეთ,რაზეც სიამოვნებით დაგვთანხმდა).

9 მცენარე,რომელიც დაგეხმარებათ ზედმეტი წონის მოშორებაში.

Standard

home4

ლამაზი სხეულის და სასურველი ზომების ფლობა,ეს არის რაზეც ქალების უმეტესობა ვოცნებობთ.იდეალური ფიგურის მისაღებად ვცდით სხვადასხვა საშუალებებს – დიეტებს,მედიკამენტებს,ვარჯიშს,წყლის რეჟიმის დაცვას,ჯანსაღი კვების სტილის დამკვიდრებას ყოველდღიურ ცოხვრებაში.მაგრამ ეს მცდელობები ხშირად მთავრდება უამრავი ფულის ხარჯვით და რაც მთავარია არც თუ სასურველი რეზულტატით.სავაჭრო ქსელები თუ აფთიაქები გვთავაზობენ უამავ საშუალებას,რაც ეხმარება ადამიანს ზედმეტი წონის დამარცხებაში,ისინი იდეალური სხეულის გარანტიას იძლევიან,მაგრამ უმეტეს შემთხვევაში ეს საშუალებები არ მუშაობენ ან იმდენად ძვირი ჯდება მათი მოხმარება,იულებული ვხდებით უარი ვთქვათ.გარდა ამისა,გასახდომი მედიკამენტებისადმი პუბლიკის სკეპტიკური დამოკიდებულებაც არ უნდა იყოს მთლად უსაფუძვლო.
უნდა ვიცოდეთ,რომ არსებობს ძვირადღირებული საშუალებების ალტერნატივა არსებობს.რომელიც რეალურად დაგვეხმარება ჯანსაღ კვებასთან,ფიზიკურ აქტივობასთან ერთად გაცილებით უკეთესი შედეგი ვნახოთ წონის დაკლების მხრივ.რასაკვირველია ჯადოსნური შესალებლობებით არ ხასიათდება ეს მცენარეები.მათი დამხარებით უბრალოდ ჩვენ უკეტეს შედეგს მივიღებთ.დაბალნსებული მენიუ,ფიზიკური აქტივობა და ეს გასახდომი მცენარეები – თქვენ შედეგით კმაყოფილი დარჩებით.

 

1.მწვანე ჩაი

Te-verde-2

ერთ-ერთი ყველაზე ცნობილი ანტიოქსიდანტი,რომელიც საკმაოდ შედეგიანად წვავს ცხიმს. თუ დაბალი წნევა არ გვაწუხებს მისი მიღება რამდენიმეჯერ შეგვიძლია დღეში,შეგვიძლია მწვანე ჩაით ჩავანაცვლოთ სხვა სასმელები(წყლის გარდა).დაბალი წნევის შემთხვევაში კი რეკომენდირებული მიღების დოზა 2 ჭიქა დღეში.წონაში დაკლებისთვის აუცილებელი და მნიშვნელოვანია მწვანე ჩაის ყოველდღიური მიღება.

 

2.ალოე

aloeveraparalacarabeneficios1

ალოეს გააჩნია დეზოქსიდანტი თვისებები.აუმჯობესებს დიგესტიური (საჭმლის მომნელებელი)  სისტემის ფუნქციონირებას,წვავს ცხიმს.ალოე არის ერთ-ერთი ყველაზე ეფექტური გასახდომი საშუალება,რომლის შედეგსაც რამოდენიმე კვირაში ნახავთ.ზოგადად მიიღება ალოეს გული,კრისტალისებული გამჭვირვალე ნაწილი(კანი უნდა მოვაცალოთ),ჩავწუროთ რომელიმე ციტრუსის(ან ნებისმეირი სხვა ხილის) წვენთან ერთად და დავატკბოთ თაფლით.

 

3.დარიჩინი

Canela1

დარიჩინი ცნობილია  მეტაბოლიზმის ტემპის დასაჩქარებელი და სისხლში შაქრის რეგულირების თვისებებით.არეგულირებს  ტრიგლიცერიდებს და ქოლესტერინს.საკვების მონელებას უწყობს ხელს და მოკლედ წონაში კლებისთვის სასურველია დავამატოთ ყოველდღიურ მენიუში.

 

4.მდოგვი

semillas-de-mostaza-3

მდოგვი მსგავსი ეფექტით გამოირჩევა დიეტისას,როგორიც გააჩნია კომბოსტოს,ბროკოლს,ყვავილოვან კომბოსტოს.მისი თესლი მეტაბოლიზს 25%-ით აჩქარებს,რაც მეტი სისწრაფით და უკეთესი შედეგით წვავს კალორიებს.რეკომენდირებულია ყოველ დღიურად მივიღოთ 3/4 ჩ.კ.მდოგვის თესლი.მისი დახმარებით დღის განმავლობაშჳ,ყოველ საათში დავწვავთ 45 კალორიას.აუცილებლად გასათვალისწინებელია,რომ არ გადავაჭარბოთ მითიტებულ დოზას.წინააღმდეგ შემტხვევაში შეიძლება გვერდითი ეფექტი გამოიწვიოს და ზიანი მოუტანოს ჯანმრთელობას.

 

5.ძირა

Cominos

ძირას გააჩნია სასარგებლო თვისებები საჭმლის მომნელებელი სისტემისთვის,ენერგიის მომატებისთვის და მე-2 ჯგუფის დიაბეტისთვის.საუკეთესო საშუალებაა ორგანიზმიდან ტოქსინების გამოსადევნად,გასახდომად.დავამატოთ საკვებში.

 

6.არტიშოკი

alcachofa

არტიშოკი ცნობილი გასახდომი მცენარეა.მას გააჩნია შარდმდენი,გამწმენდი თვისებები.არტიშოკი შედის უამრავი პოპულარული გასახდომი საშუალებების შემადგენლობაში.მისი ნატურალური გამოყენების საუკეთესო ვარიანტია გაწმენდა უხეში ფოთლებისგან.

alcachofa-pelada

მივირთვათ მხოლოდ გული და რბილი ნაწილი ფოთლებისა.ორთქლზე მომზადება საუკეთესო ვარიანტია მისი სასარგებლო თვისებების შესანარჩუნებლად.შეგვიძლია რბილი ფოთლები გამოვიყენოთ ნაყენის მოსამზადებლად და მივირთვათ როგორც ჩაი.

 

7.არყი

infusion_abedul_contra_celulitis.eliminar-celulitis

არყი გახლავთ სიმსუქნესთან ბრძოლისთვის ერთ-ერთი საუკეთესო საშუალება.მას გააჩნია შარდმდენი თვისება და შეკავებული,ზედმეტი სითხისგან ათავისუფლებს ორგანიზმს.რაც სხეულს მასის შემცირებაში ეხმარება.ის ეხმარება ორგანიზმს გამოდევნოს ტოქსინები და დდიდი ხნის დაგროვებული ცხიმი.რეკომენდირებულია შემდეგი დოზები:1 ჭიქა წყალზე/1 ან 2 ჩ.კ. არყი.ნაყენის/ჩაის სახით.

 

8.ნიახური

Jugo-de-apio-para-adelgazar-1

ნიახური არის ანმრთელობისთვის  უამრავი სასარგებლო თვისების მქონე.განსაკუტრებით ორგანიზმის,ცალკეული ორგანოების გასაწმენდად და წონაში დასაკლებად არის საუკეთესო საშუალება.მის ყოველ დღიურ გამოყენებას არ აქვს დაწესებული განსაზღვრული რაოდენობა.რაც მეტს მიირთმევთ მით უკეთესია და სასარგებლო.რეკომენდირებულია:უმი სახით დავჭრათ,მოვხარშოთ წყალში 30 წუთის განმავლობაში.გავწუროთ და ნახარში მინიმუმ სამერ მაინც მივირთვათ დღეში.


9.წითელი მწარე წიწაკა

pimienta

წითელი მწარე წიწაკა შეიცავს კაპსაიცინს,რომელიც აძლევს მას ასეთ მწარე გემოს.საკვებში მისი დამატება,ოდნავი სიცხარე გახდომაში უწყობს ხელს ორგანიზმს.წვავს კალორებს, ცხიმოვან ქსოვილს და სისხლში ცხიმის შემცველობას ამცირებს.ის ორგანიზმში ააქტიურებს პროტეინებს,რაც ხელს უშლის ცხიმის დაგროვებას.გარდა ამისა მწარე წითელი წიწაკის მიღებისას ორგანიზმში ენდორფინი გამომუშავდება,რომელსაც სიამოვნების ჰორმონს უწოდებენ.ამიტომაც არის,ცხარე კერძების მოყვარული ადამიანები ენერგიულები და სიცოცხლით სავსენი არიან.

ცხოვრების უდიდესი საიდუმლო

Standard

გადავწყვიტე წერილობითი ფორმით შევინახო ეს მასალა.სიტყვასიტყვით არ იქნება გადმოწერილი,ზოგ ადგილას საკუთარი ინტერპრეტაციით გადმოვცემ ვიდეორგოლების შინაარსს.

ცხოვრების უდიდესი  საიდუმლო
როგორ გამოვიყენოთ საიდუმლო ცოდნა?!

(მიზიდულობის კანონი)

ყველაფერს,რაც ხდება თქვენს ცხოვრებაში,თქვენ თვითონ იზიდავთ.და ამ ყველაფერს იზიდავთ იმ სურათების,იმ სახეების ძალით,რომლებიც არის თქვენს ცნობიერებაში.იმის ძალით -  რაზეც ფიქრობთ.მნიშვნელობა არ აქვს რა აზრები გიტრიალებთ თავში,თქვენ იზიდავთ თქვენი ფიქრების ობიექტებს.
იმისათვის,რომ უფრო ჩავწვდეთ მიზიდულობის კანონის არსს,თავი მაგნიტად წარმოვიდგინოთ.მაგნიტს აქვს ძალა და ის იზიდავს საგნებს.
მაგრამ ამ შემთხვევაში ჩვენ ვსაუბრობთ ფიქრებზე.
ჩვენ( მაგნიტის მსგავსად ) ვიზიდავთ იმას, რაზეც ვფიქრობთ.ამას მიზიდულობის კანონი ახორციელებს.
ჩვენ ვხდებით ისეთი,როგორიც წარმოგვიდგენია თავი ჩვენს ფიქრებში და ვიზიდავთ იმას,რაზეც ვფიქრობთ.რასაც გონებაში დაინახავთ,რეალობაშიც ის გექნებათ.
ეს პრონციპი შეგვიძლია შევაჯამოთ 3 მარტივი სიტყვით:
1) ფიქრი ხორცს ისხამს;
2) ხორციელდება;
3) ხდება მატერიალური.

ფიქრის დროს ვასხივებთ აზრობრივ ტალღებს და გვიბრუნდება,მოიზიდება ის,რაზეც ვფიქრობთ.
წარმოვიდგინოთ რაც გვინდა და მოვიზიდავთ მას ჩვენთან.
ვიფიქროთ იმაზე რაც გვინდა და არა იმაზე,რაც არ გვინდა.
ჩავფიქრდეთ და მოვახდინოთ ყურადღების მთელი კონცენტრირება სასურველზე.რაც მეტი განცდით იფიქრებ საკითხზე,მით მეტი სისწრაფით გამატერიალიზდება ის,რაზეც ვფიქრობთ.სულ ერთია ეს ფიქრი პოზიტიურია თუ ნეგატიური.ორივეს ვიზიდავთ ჩვენს მიერ მასზე ფიქრის შედეგად.
1)პოზიტიური ასეულჯერ უფრო ძლიერია ნეგატიურზე.ეს უკვე მნიშვნელოვნად ამცირებს შეშფოთების ხარისხს.
2)დროში შეფერხება.აზრების გამატერიალიზებისას აზრები მაშინვე,მყისიერად არ ხორციელდება.ასე რომ არა,დიდი პრობლემები გვექნებოდა.დროში შეფერხება გვეხმარება სწორი არჩევანი გავაკეთოთ.კარგად დავფიქრდეთ რა გვსურს სინამდვილეში.გვეხმარება ვაკონტროლოთ ჩვენი სურვილები.
მეცნიერება ამტკიცებს,ადამიანს დღის განმავლობაში 60 000-მდე აზრი მოსდის თავში.რასაკვირველია,ყველა აზრის კონტროლი შეუძლებელია.სამაგიეროდ შესაძლებელია გრძნობების კონტროლი.ჩვენი გრძნობები გვკარნახობენ რაზე ვიფიქროთ.
აზრები და ფიქრები  ბადებენ ემოციებს.ემოციები გვეხმარება გავიგოთ რას ვიზიდავთ.იფიქრეთ თქვენს ემოციებზე.
ემოციები არის ორნარი.უარყოფითი და დადებითი.

უარყოფითი ემოციებია:
1)შიში;
2)დეპრესია;
3)დანაშაულის შეგრძნება;
4)წყენა
5)სიძულვილი
6)შურისძიება
7)ბოროტება
8)განკითხვა
9)დარდი
10)განრისხება

დადებითი ემოციებია:

1)კმაყოფილება
2)იმედი
3)ვნება
4)სიხარული
5)მადლიერება
6)სიამოვნება
7)სიყვარული

როცა თავს კარგად გრძნობთ,თქვენ ქმნით თქვენს მომავალს საკუთარი სურვილების თანახმად.როდესაც თქვენ თავს ცუდად გრძნობთ,ქმნით მომავალს,ოღონდ საკუთარი სურვილების საწინააღმდეგოდ.ყველა თქვენი გრძნობა და ყოველი თქვენი ფიქრი ქმნის თქვენს მომავალს.მაგალითად:თუ თქვენ გეშინიათ ან აღელვებული ხართ,მომავალში ბევრი ასეთი გრძნობები გექნებათ,მიზიდულობის კანონის გამოისობით.
როდესაც დღეს იწყებთ უარყოფითი ემოციებით,გერევათ მთელი დღე.თუ ემოციებს გადავრთავთ სხვა ტალღაზე და არ დავუშვებთ რომ რამემ განწყობა გაგიფუჭოთ,მთელი დღე კარგად წაგივათ.თუ ასე იქნებით  ყოველდღიურად,მიზიდულობის კანონის თანახმად,თქვენ მომავალშიც მიიზიდავთ კარგ განწყობას,რომელიც თქვენს ყოველ დღეს,ყოველ კვირას,ყოველ წელს პოზიტიური განწყობით დატვირთავს და ყოველი კარგი დღე ხელს შეუწყობს თქვენს მომავალ ცხოვრებაში ბედნიერების დამკვიდრებას.ცუდი დღეების რაოდენობა კი შემცირდება.
თქვენ შეგიძლიათ შეიგრძნოთ სიყვარული,რომელიც შეიძლება ახლა არც არსებობდეს.და სამყარო გარდაიქმნება იმ სიმღერად,რომელსაც თქვენ გულში მღერით.სამყარო მოერგება ამ შინაგან განწყობას და მატერიალიზდება თქვენი ემოციების შესაბამისად.იმიტომ,რომ თქვენ ამას ასე გრძნობთ.
როცა ცუდად ხართ  შეგიძლიათ ეს შეცვალოთ.ჩართეთ მუსიკა,იფიქრეთ რამე კარგზე.ეს შეგიცვლით  ემოციებს.იფიქრეთ ბავშვზე,რომელიც გიყვართ.შეაჩერეთ ფიქრი მასზე,დააფიქსირეთ.მოიშორეთ ყველა სხვა ფიქრი.უცბად გახდებით უკეთ.იგივე პრინციპი შეგიძლიათ განახორციელოთ შინაურ ცხოვბელზე,ნივთზე,სახლზე,რომელზეც ოცნებობთ,მანქანაზე,კარიერაზე და ა. შ.
როდესაც თქვენ ისწავლით ფიქრების და გრძნობების მართვას,თქვენ მიხვდებით როგორ უნდა შექმნათ სამყარო,რომელშიც ცხოვრობთ.როდესაც თქვენ დაიწყებთ მიზიდულობის კანონის გამოყენებას,მიხვდებით,რომ თქვენი ცხოვრება გახდება ისეთი,რომელსაც ახლა ვერაფრით წარმოიდგენთ.

როგორ გამოვიყენოთ მიზიდულობის ძალა?

სამყარო გეუბნება: ,,გისმენ და გემორჩილები’’.

ნაბიჯი პირველი -  ითხოვეთ!
სამყაროს მივცეთ განკარგულება.უთხარით მას ზუსტად რაც გსურთ და ის გამოეხმაურება თქვენს აზრებს.
სინამდვილეში რა გინდათ?! დაჯექით და ფურცელზე ჩამოწერეთ.წერეთ აწმყო დროში.მაგალითად: ,,მე ახლა ბედნიერი და მადლიერი ვარ იმიტომ,რომ… ‘’ და მერე აღწერეთ რაც გინდათ რომ გქონდეთ.მე ასე მინდა,მე მინდა ისე….

ნაბიჯი მეორე – ირწმუნეთ!
ჩავრთოთ უხილავის რწმენა.ყოყმანი და ეჭვები იწვევს იმედგაცრუებას.ეს კი უარყოფითი ემოციაა და თუ იმედგაცრუებული ფიქრები შეგვიპყრობს,სამომავლოდ სულ იმედგაცრუებას მოვიზიდავთ.გააცნობიერეთ ეს გრძნობა და შეცვალეთ ის ურყევი რწმენით.
,,მე ვიცი,რომ ვიცი მალე ყველაფერი გამომივა!!!!“

ნაბიჯი მესამე – მივიღოთ!
შევეცადოთ ახლა შევიგრძნოთ ის სიხარული,რომელიც სასურველის მიღებისას დაგვეუფლება.წარმოვიდგინოთ უკვე გვაქვს ის,რაც ასე გვწადია.და გვიხარია ამის გამო.შეიგრძენით ეს სიხარული ახლა.შევეცადოთ ახლა წარმოვიდგინოთ ის გრძნობა,რომელიც დაგვეუფლება სასურველის მიღებისას.წარმოვიდგინოთ თუ როგორ ვიგრძნობდით თავს,ახლა რომ გვქონდეს.რამეს მოზიდვის პროცესში,აუცილებელია განვიცადოთ სიხარული,ან სხვა რომელიმე დადებითი ემოციები.იმიტომ,რომ როცა კარგად ხართ,თქვენ ეწყობით იმ ტალღაზე,რაც გსურთ რომ მიიღოთ.
რწმენა თუ არ არის გამყარებული დადებითი ემოციებით,თქვენ შეიძლება ძალა არ გეყოთ მიიღოთ ის,რაც გსურთ.თქვენ უნდა შეიგრძნოთ და განიცადოთ ეს.
გააკეთეთ რამე ისეთი,გაგიჩნდეთ შეგრძნება,რომ უკვე ფლობთ იმას,რაც გსურთ.ეს დაგეხმარებათ მოიზიდოთ თქვენთვის სასურველი რამ.
თუ თქვენ ჰარმონიაში ხართ იმასთან,რის მოცემასაც ცდილობს თქვენთვის სამყარო,თქვენ სიხარული გიპყრობთ.თქვენ იგრძნობთ ძალების მოზღვავებას და მზად ხართ აკეთოთ ეს მთელი დღე.როცა ჩნდება შესაძლებლობა,როცა თქვენ გრძნობთ იმპულსს,როცა თქვენი შინაგანი ხმა გიბიძგებთ – იმოქმედეთ!ეს არის თქვენი ამოცანა.სულ ეს არის რაც მოგეთხოვებათ.მოიზიდავთ თქვენს ცხოვრებაში ყველაფერს – რაც გჭირდებათ.
თუ თქვენ გჭირდებათ ფული – მოიზიდავთ ფულს; თუ თქვენ გჭირდებათ ადამიანები -  მოიზიდავთ ადამიანებს და ა. შ…….
სურვილი გადადის ფიზიკურ რეალობაში თქვენთან ერთად და თქვენი გავლით და ეს კანონის თანახმად ხდება.დაიწყეთ ნულიდან და თქვენ გაგეხსნებათ გზა.
,,ირწმუნეთ და გადაგით პირველი ნაბიჯი.აუცილებელი არაა მთელ კიბეს ხედავდეთ.გადადგით პირველი ნაბიჯი!“ მარტინ ლუთერ კინგი.
სურვილების ახდენის სიწრაფე დამოკიდებულია იმაზე,თუ რამდენად ჰარმონიაში ხართ სამყაროსთან(ე.ი. რამდენად მეტ პოზიტივს გასცემ).
დავუშვათ გენატრება ვინმე ადამიანი.გაიჩერეთ თავში ძველი მეგობრის სახება,რომელიც დიდი ხანია არ გინახავთ.ვიღაც ახსენებს მას თქვენთან,ეს ადამიანი ან დაგირეკავთ ან წერილს მოგწერთ.
გააკეთეთ ვიზუალიზაცია და წარმოიდგინეთ ის,რაც გინდათ რომ მოხდეს.მაგალითად წარმოიდგინეთ სასურველი თავისუფალი ადგილი პარკინგზე და დიდი შანსია ის მართლაც ცარიელი აღმოჩნდეს,ან მალე განთავისუფლდეს.
თუ კი გვინდა შევცვალოთ ჩვენი ცხოვრება,პირველ რიგში უნდა შევცვალოთ ჩვენი აზროვნება.ჩვენ ვიღებთ იმას,რასაც ველოდებით,თუნდაც ეს არასაურვლი იყოს.
გაუკეთეთ საკუთარ თავს სიკეთე და ელოდეთ მხოლოდ იმას,რაც გინდათ.ელოდეთ მხოლოდ კარგს.
რაც ჩვენ ახლა ვართ – აწმყოში(იგულისხმება მატერიალური მხარე,ურთიერთობები,წარმატება,ჯანმრთელობა,კარიერა)ეს არის შედეგი თქვენი წარსულში ფიქრებისა.იმან,რასაც თქვენ წარსულში ფიქრობდით,გამოიწვია აწმყო.
როდესაც თქვენ აფასებთ საკუთარ თავს თქვენი საქმეების ახლანდელი მდგომარეობის მიხედვით,თქვენ წირავთ თავს იმისთვის,რომ თქვენს მომავალ ცხოვრებაში არაფერი შეიცვალოს.
,,ჩვენი ახლანდელი ყოფა,ჩვენი წარსული ფიქრების შედეგია’’. ბუდა.
რა შეგვიძლია გავაკეთოთ,რათა ჩვენს ცხოვრებაში ცვლილებები დაიწყოს.
1) მადლიერება.
შეადგინეთ სია,რის ან ვის გამოც ხართ მადლიერი.ეს დაგეხმარებათ ენერგეტიკული ნაკადის გადართვაში.თქვენი აზროვნება თანდათანობით შეიცვლება.თუ ამ სავარჯიშოს წინ ყურადღებას აფიქსირებდით იმაზე რაც არ გაქვთ(და გინდა რომ გქონდეთ,მაგალითად თქვენს უკმაყოფილებაზე,პრობლემებზე),სავარჯიშოს შესრულების მერე თქვენ სულ სხვა მიმართულებით დაიწყებთ მოძრაობას.დაიწყებთ ფიქრს იმაზე,თუ რა გინდათ რომ გქონდეთ.
იყავით მადლიერი იმით,რაც პოზიტიურ ემოციებს იწვევს თქვენში.
მადლიერება ყველაზე საიმედო გზაა,მიიღოთ ცხოვრებისგან უფრო მეტი.
რაზეც ვფიქრობთ და რისთვისაც ვართ მადლობელი,იმას ვიღებთ.სწორედ ამის შეგრძნება უნდა გვქონდეს -  მადლიერების და სიხარულის.
ყოველ დილას ადექით და თქვით მადლობა.ყოველ დილას ჩამოთვალეთ ის ყველაფერი,რისთვისაც ხართ მადლობელი.და ეს გააკეთეთ იმის კეთების პროცესში,რასაც ჩვეულებრივ დილაობით აკეთებთ ხოლმე.და მექანიკურად ნუ კი იფიქრებთ და მექანიკურად ნუ კი წარმოთქვამთ მადლობას,არამედ გააკეთეთ ეს მთელი გულით და მართლა განიცადეთ ეს მადლიერება.
თუ დააფასებთ იმას რაც გაქვთ,მაშინვე მიიზიდავთ პოზიტივს.და კიდევ უფრო მეტი გექნებათ სამადლობელი.ესე იგი კიდევ უფრო მეტი სიკეთე და სიხარული მოიზიდება თქვენს ცხცოვრებაში.
იმაზე ნუ კი იდარდებთ რაც არ მოგწონთ ან არ გაკმაყოფილებთ,არამედ იფიქრეთ მხოლოდ და მხოლოდ იმაზე,რაც კარგი გაქვთ და იყავით მადლობელი ამისთვის.ხშირად იფიქრეთ რომ ამ სიკეთეებისთვის მადლობელი ხართ.
მაგალითად: როდესაც პრობლემები გაქვთ,აიღეთ რამე პატარა ნივთი,რისი ტარებაც მუდმივად შეგეძლებათ თან.მაგ:ქვა (ან რამე პატარა ნივთი) და დაარქვით მას ,,მადლიერების ქვა’’.თქვით,როდესაც ამ ქვას შევეხები,ვიფიქრებ იმაზე რისთვისაც ვარ მადლიერი.ამის შემდეგ ყოველ დილით ჩაიდეთ ეს ქვა ჯიბეში და გონებაში ჩამოთვალეთ ის ყველაფერი,რისთვისაც ხართ მადლიერი.და საღამოს რა უნდა გააკეთოთ?იღებთ ქვას ჯიბიდან და კიდევ ერთხელ ჩამოთვლი რისთვისაც ხარ მადლიერი.
ჩვენთვის მთავარია გვქონდეს მადლიერების ,,პროგრამა’’.
ვიზუალიზაცია.

როდესაც აკეთებთ ვიზუალიზაციას,თქვენ აკეთებთ მატერიალიზაციას.ფიზიკური აქტივობის ვიზუალიზაციის დროს ჩვენი ტვინი ვერ არჩევს სხეულის რაიმე ნაწილის  მოძრაობას სინამდვილეში ვაკეთებთ თუ მხოლოდ წარმოვიდგენთ ამას.
ის რასაც წარმოიდგენთ ვიზუალიზაციისას,შეიძლება გააკეთოთ რეალურ სამყაროშიც.ეხება ეს ნებისმნიერი სახის ვიზუალიზაციას.
ვიზუალიზაციის დროს როცა გონებაში გაქვთ რაიმე სურათი,ეცადეთ დააფიქსიროთ ერთი საბოლოო შედეგი.მაგალითად შეხედეთ თქვენი მტევნების ზურგებს.დააფიქსირეთ თითები,ფრჩხილები,ბეჭდები,კანის ფერი,ხალები,სისხლძარღვები.დაიმახსოვრეთ და დახუჭეთ თვალები.შემდეგ წარმოიდგინეთ თქვენი ხელები და თითები როგორ ეჭდობა ახალთახალი სასურველი მანქანის საჭეს.ეს იმდენად რეალურია,რომ თქვენ განცდა გაქვთ რომ უკვე გყავთ ეს მანქანა.მიზიდულობის ძალას ქმნის თქვენი შეგრძნებები და არა მხოლოდ გონებით დანახული სურათი.
თუ თქვენ რეალურად არ განიცდით თითოეულ პოზიტიურ განცდას,მიზიდულობის ძალა არ წარმოიქმნება.
თუ თქვენ იფიქრებთ -  ,,ეჰ, ამ მანქანას როდის ვიყიდი’’ ან გაიფიქრებთ ,,როდესმე ვიყიდი?’’ ,ეს მანქანა დარჩება სულ მუდმივად მომავალში.მანქანის ფლობის სიხარული უნდა განიცადოთ ახლა,აწმყოში – თითქოს უკვე გყავთ.რომ უკვე ზიხართ და მიქრით ამ მანქანით.თქვენ რეალურად უნდა განიცადოთ ეს სიხარული,ისე,როგორც განიცდიდით მართლაც რომ გყავდეთ ახლა.და მიენდეთ სამყაროს,ის გაგაოცებთ თქვენ,როდესაც დაგიბრუნდებათ.
პირველივე წარმატების შემთხვევაში,თქვენ მოგინდებათ ყოველდღიურად გამოიყენოთ ეს ილეთები.ამ პროცესებით უნდა დატკბეთ,უნდა გქონდეთ პოზიტიური,ამაღლებული განწყობა,სიხარულის და ბედნიერების განცდა.

მიზნების დაფა.

შეგვიძლია ავიღოთ პატარა დაფა და ზედ გავაკრათ ჩვენი მიზნები(ვიზუალიზაციისათვის).ის მანქანა,ის საათი,ის სახლი,ის ადამიანი,ვინც და რაც გვინდა რომ ჩვენი გახდეს.და ყოველდღე,დღეში რამოდენიმეჯერ შევხედოთ ამ დაფას,ამ მიზნებს,რათა ისინი მოვიზიდოთ ჩვენსკენ.

,,წარმოსახვა ყოვლისმომცველია.ეს არის მომავალი ცხოვრების მოვლენების წინასწარი ჩვენება’’.აინშტაინი.
გადაწყვიტეთ რა გინდათ?
მაშინ დაიჯერეთ,რომ შეგიძლიათ ამის მიღება.ირწმუნეთ,რომ ამას იმსახურებთ.გჯეროდეთ,რომ ეს შესაძლებელია.
ყოველ დღე,რამდენიმე წუთით დახუჭეთ თვალები და წარმოიდგინეთ,რომ უკვე ფლობთ თქვენი ოცნების საგანს და დატკბით იმის შეგრძნებით,რომ ის უკვე გაქვთ.განიცადეთ ამ საგნის ფლობის სიხარული ამ წამს.გამოდით ამ მდგომარეობიდან და გულწრფელად იგრძენით მადლიერება და გაუშვით ეს იმპულსი სამყაროში.გჯეროდეთ,სამყარო თვითონ გაერკვევა როგორ გაამატერიალუროს ეს.
,,ადამიანის გონებას ყველაფრის მიღწევა შეუძლია რასაც წარმოიდგენს’’. კლემენტ სტოუნი.
გინდათ იშოვოთ ბევრი ფული?ირწმუნეთ,რომ ის უკვე გაქვთ.გააკეთეთ ყოველ დღე ვიზუალიზაცია იმ თანხის,რაც გინდათ რომ მიიღოთ.მაგალითად წელიწადში გინდათ გამოიმუშაოთ ამდენი და ამდენი თანხა.დახატეთ ეს თანხა ფულის კუპიურაზე,მიაკარით ჭერზე ან სადმე,სადაც  დილით,თვალის გახელისთანავე შეხედავთ მას.ეს შეგახსენებთ თქვენს მისწარაფებებზე.ამის შემდეგ დახუჭეთ თვალები და წარმოიდგინეთ თქვენი ცხოვრება.ცხოვრება,რომელშიც წელიწადში გამოიმუშავებთ იმ თანხას,რაზეც ოცნებობთ.წარმოიდგინეთ სასიამოვნო დეტალები,თუ რას გააკეთებთ,როცა ასეთი შემოსავალი გექნებათ.თქვენ იმაზე ფიქრით ნუ შეიწუხებთ თავს თუ რა გზებით მოხდება ეს.მიზიდულობის ძალა თავად იზრუნებს ამაზე.შეიძლება გაგიჩნდეთ შთაგონებული აზრი  და მოიზიდოთ ის მოვლენები,რომლებიც ხელს შეუწყობენ ამ თანხის გამომუშავებას წელიწადში.თქვენ უნდა მიყვეთ ამ შთაგონებულ აზრს.მთავარია ვირწმუნოთ და მოვიზიდოთ მოვლენები.
უნდა ითხოვოთ,ირწმუნოთ და მიიღოთ -  ,,გისმენ და გემორჩილები’’ – სამყარო ელოდება თქვენს თხოვნას.
გავამყაროთ ემოციურად ჩვენი თხოვნა,გავგზავნოთ სამყაროში,მოვიზიდოთ ჩვენსკენ სასურველი მოვლენა და ჩვენ მას მივიღებთ.
ყურადღება მიმართელთ წარმატებისკენ და იფიქრეთ იმაზე  აწმყო დროში,რაც გინდათ რომ მიიღოთ მომავალში.
გინდათ სიუხვე და წარმატება?მიმართეთ თქვენი ყურადღება წარმატებისკენ და სიუხვისკენ.
ყველამ ვიცით,ადამიანი რომ ბედნიერი იყოს გარეგანი ატრიბუტები უნდა ჰქონდეს მოწესრიგებული.ესენია ჯანმრთელობა,სიმდიდრე,წარმატება კარიერასა და პირად ურთიერთობებში და ა. შ.ესენი ბედნიერების გარეგანი ატრიბუტებია.ბედნიერება არის ყველა ამ ატრიბუტის ერთობლიობა და ასევე შინაგანი სიმშვიდე,შინაგანი სიხარული,შინაგანი კომფორტის განცდა.შიგნიდან უნდა მოდიოდეს ადამიანის ბედნიერება,რომელსაც აგვირგვინებს გარეგანი ატრიბუტების მოწესრიგებულობა.თორემ ცალკეული ატრიბუტის წარმატებულობა სულაც არაა ბედნიერება.ვეცადოთ შინაგანად მოვიპოვოთ სიმშვიდე და სიხარული,რასაც შინაგანი კომფორტის განცდა ახლავს თან.შეეცადეთ საკუთარ თავს მისცეთ მეტი და მეტი.მოიზიდოთ მეტი და მეტი პოზიტივი – სასურველი მოვლენა,პიროვნება და ა. შ.შეიყვარეთ საკუთარი თავი და თქვენ შეუყვარდებით მთელ სამყაროს.აუცილებლად იქნება თქვენში ისეთი რამ,რის გამოც უნდა გიყვარდეთ საკუთარი თავი.მხოლოდ ამის მერე შეუყვარდებით სხვებსაც.
როცა ვწუწუნებთ,ჩვენ მხოლოდ ვაღრმავებთ წუწუნის მიზეზს.
თუ პარტნიორთან ურთიერთობაში პრობლემები გაქვთ,ამის გამოსწორება შეგიძლიათ.აიღეთ ფურცელი და კალამი და ყოველდღიურად ჩამოწერეთ თუ რას აფასებთ მასში.ყველაფერი დაწერეთ რის გამოც გიყვართ იგი.მას მერე რაც მის დადებით მხარეებზე გააკეთებთ კონცენტრირებას,ყველაფერი შეიცვლება უკეთესობისკენ.
თქვენი ცხოვრების და ბედნიერების განკარგვა მხოლოდ თქვენ შეგიძლიათ და არავის სხვას.

 

ჯანმრთელობის საიდუმლო.

თუ რამე აწუხებს ადამიანს,აწმყო დროში უნდა წარმოთქვას ეს სიტყვები:
,,მადლობა უფალო იმისთვის,რომ განმკურნე მე’’.
დღეში ბევრჯერ,ხშირ-ხშირად გაიმეორეთ ეს სიტყვები.დაიჯერეთ,რომ განიკურნეთ,რომ ჯანმრთელი ხართ.დაიჯერეთ მთელი გულით.წარმოიდგინეთ,რომ უკვე გაქრა თქვენი სნეულება თქვენი სხეულიდან და განიცადეთ სიხარული და სიამოვნება ამის წარმოდგენისას.
და რაც მთავარია,დათრგუნეთ სტრესი,ნერვიულობა.მაქსიმალურად მოერიდეთ სტრესს,რომელიც იწვევს ორგანიზმის დასუსტებას და დაავადებებს.იცინეთ ბევრი.უყურეთ კომედიებს,ებრძოლეთ სტრესს.არ მისცეთ უფლება სტრესს დაიპყროს თქვენი არსება და კიდევ უფრო გააღრმავოს თქვენი ავადმყოფობა.სტრესი არის ყველაზე საშინელი მტერი თქვენი ჯანმრთელობისაც და განკურნებისაც.
არანაირ დაავადებას არ შეუძლია ემოციურად გაწონასწორებული ადამიანის ორგანიზმში შეღწევა.ჩვენი ორგანიზმი ყოველ წამს გამოდევნის მილიონობით მკვდარ უჯრედს და ქმნის მილიონ ახალს.ფაქტიურად მთელი სხეულის ნაწილები იცვლებიან ახლით.რაღაც სენს სჭირდება რამოდენიმე თვე და რაღაცას რამოდენიმე წელი.ასევე რამოდენიმე წელში ჩვენ ვიღებთ სრულიად ახალ სხეულს.თუ თქვენ თქვენი აზრების კონცენტრირებას აკეთებთ უძლურებაზე და საუბრობთ ამის შესახებ სხვებთან,თქვენ ქმნით უფრო მეტ უძლურ უჯრედებს.ადამიანი,რომელიც კონცენტრირდება იმედზე,ეს მას აძლევს სიხარულს და მადლიერების შეგრძნებას.ხოლო მეორე ადამიანი(იგივე დაავადებით)თუ ფიქრობს უძლურებაზე,ტკივილზე,თუ ცხოვრობს დევიზით ,,ვაიმე დავიღუპე.რა მეშველება…“  – ასეთი ადამიანი კონცენტრირებულია თავის ავადმყოფობაზე და ასეთი ფიქრებით და ემოციებით მხოლოდ აღრმავებს მას.იმიტომ, რომ მომავალში ისევ ტკივილს,ტანჯვას,ავადმყოფობას,უიმედობას და ნეგატიურ განწყობას მოიზიდავს დარდით.ის გამოჯანმრთელებას ვერ მიაღწევს,სანამ თავის ყურადღებას არ გადართავს დაავადებაზე ფიქრისგან/დარდიდან – გამოჯანმრთელებაზე ფიქრით.ასეთია მიზიდულობის კანონის არსი. უნდა თქვათ ,,მე ჯანმრთელი ვარ,მე დავამარცხე დაავადება,ჩემი სხეულიდან გაქრა ის და ახლა ჩემი სხეული სრულიად ჯანმრთელია’’.ასეთი პოზიტიური ფიქრი მოიზიდავს ჯანმრთელობას თქვენთან და თქვენ გამოჯანრთელდებით.გწამდეთ იმის,რასაც ამბობთ და ფიქრობთ და ის აუცილებლად აგისრულდებათ.ბედნიერ აზრებს მივყავართ სასარგებლო ბიო-ქიმიური პროცესების ჩართვამდე.ნეგატიური აზრები,სტრესი კი სერიოზულ ზიანს აყენებს ორგანიზმს და ხელს უშლის ტვინის მუშაობას.გაანთავისუფლეთ ორგანიზმი სტრესისგან და ის გააკეთებს იმას,რაც ჩადებულია მასში ბუნებით.ის თვითონ გამოაჯანსაღებს საკუთარ თავს.

,,უკურნებელი იკურნება შიგნიდან’’.
წარმოიდგინე შენი თავი შენს ფიქრებში და გახდები ეგეთი.

ჩვენ ვებრძვით ყველაფერს რაც არ გვინდა და ამ ბრძოლაზე დიდი ენერგია იხარჯება.ამ ბრძოლით ვიტანჯებით და ვწვალდებით;გაღიზიანებული ვართ ამ ტანჯვის გამო.ამ განცდით გამოწვეული ნეგატიური ენერგიით კი ვკვებავთ ამ უბედურებას,რომელიც გვტანჯავს.და ეს იწვევს დამატებით წინააღმდეგობას.
,,მე ეს არ მინდა და ამიტომაც ვგრძნობ თავს ასე’’.
,,როგორ არ მომწონს ეს ემოცია’’.
ამ დროს თქვენ ასხივებთ ძლიერ ემოციას და მიზიდულობის კანონით იგივე ემოცია გიბრუნდება უკან.ეს  ხდება იმიტომ,რომ თქვენ ფიქრობთ,საკუთარ ყურადღებას კონცენტრირებას უწევთ იმაზე,რაც არ გინდათ და რასაც გაურბიხართ.
რატომ უნდა დახარჯოთ თქვენი ფიქრები და ემოციები იმაზე რაც არ გინდათ?!
დააფიქსირეთ თქვენი ყურადღება და ფიქრები იმაზე,რაც გინდათ და თქვენ მიიღებთ მას.
იფიქრეთ და კონცენტრირება მოახდინეთ რამე საკითხის დადებით არსზე და არა უარყოფითზე.
თუ თქვენ ვინმე პიროვნების წინააღმდეგი ხართ,უმჯობესია იყოთ მისი ოპონენტის მომხრე.იმიტომ,რომ თქვენთვის არასასურველი პიროვნება იღებს მთელს იმ ენერგიას თავის სასიკეთოდ,რაც თქვენ,თქვენი უარყოფითი განწყობით(ემოციით) გაგზავნეთ მისი მისამართით – ნეგატივის სახით.
თქვი ის,რაც მოგწონს და არა ის,რაც არ მოგწონს.თქვი ის,რაც გინდა რომ გქონდეს და არ თქვა ის,თუ რა არ გინდა რომ გქონდეს. აი,ასე მარტივად!
დარჩით მშვიდი და გაწონასწორებული და არ იფიქროთ იმაზე,რაც არ გინდათ.დაუთმეთ ყურადღება მხოლოდ იმას,რაც გინდათ რომ გქონდეთ,რაც გინდათ რომ შეიგრძნოთ.
,,ენერგია მიემართება იქით,საითაც არის მიმართული ყურადღება’’.
ყველაფერი რაც გინდათ – ნეტარება,სიხარული,სიუხვე,სიყვარული,კეთილდღეობა – ეს ყველაფერი თქვენ გელით,როცა გაუწვდით ხელს და აიღებთ რაც თქვენ გჭირდებათ.მაგრამ თქვენ ეს ნამდვილად უნდა გინდოდეთ.როცა განეწყობით და მთელი არსებით მოინდომებთ რამეს,სამყარო მოგცემთ ყველაფერს ბოლო წვეთამდე.დააფასეთ ის ყველა საოცრება და სილამაზე,რაც თქვენს გარშემოა,აქეთ და ადიდეთ,დატკბით მისით.ნუ დახარჯავთ თქვენს ენერგიას წუწუნზე,დაგმობაზე,განკითხვაზე;იმაზე,რომ ამ მომენტში ყველაფერი ისე არ ხდება როგორც თქვენ გინდათ.გაიაზრეთ ზუსტად რა გინდათ,იმისათვის,რომ მიიღოთ მეტი.
,,ყველა ძალა მოდის შიგნიდან და ამიტომაც იმყოფება ჩვენი კონტროლის ქვეშ’’.

ძალიან ხშირად ადამიანი თავს თვლის გარემოების მსხვერპლად.ის ხშირად იხსენებს წარსულში მომხდარ მოვლენებს.განსაკუთრებით თუ ეს დაკავშირებულია ძალადობასთან ან ოჯახურ ტრაგედიებთან(ანუ უარყოფით ემოციებთან).ეს დაუშებელია!იმიტომ,რომ რაზეც ფიქრობთ ის მომავალშიც მოიზიდება თქვენსკენ.უნდა დაივიწყოთ ნეგატიური მოგონებები და განცდები თქვენი წარსულიდან,იმიტომ რომ ისინი მხოლოდ უარყოფით ემოციებს წარმოშობენ თქვენში.უნდა იზრუნოთ,აწმყო დროში იფიქროთ კარგზე,პოზიტივზე.ბედნიერებაზე,ოცნებებზე,სურვილებზე,ისე თითქოს უკვე ახდენილი გაქვთ.რათა მომავალში მოიზიდოთ ეს ბედნიერი ფიქრები თქვენსკენ.თქვენ წერთ თქვენს ბედს თქვენივე ხელით.დროა დაწეროთ ისეთი,როგორიც ეს თქვენ გსურთ.
გამოიყენეთ მიზიდულობის კანონი.მისი გამოყენება შესაძლებელია ცხოვრების ნებისმიერ ეტაპზე.ჰარმონიულობის და ბედნიერების ემოციურ ტონალობაზე სწორად ფიქრი შეგიძლიათ დაიწყოთ ნებისმიერ დროს.ავტომატურად დაიწყებს მოქმედებას მიზიდულობის კანონი.თქვენ გაგიჩნდებათ სხვაგვარი რწმენა.
,,მე ყველაფერი რიგზე მაქვს’’.
,,მე კი არ ვბერდები,არამედ ვახალგაზრდავდები…’’

ზოგი თქვენგანი იფიქრებს:
,,დიახ,ეს ძალიან მაგარია,მაგრამ მე ვერ შევძლებ ამას.ეს ჩემს ძალებს აღემატება…’’
ყოველთვის,როცა თქვენ ამას ამბობთ,თქვენ ამას იზიდავთ.ანუ თქვენ რეალურად უძლურდებით.
დაისახავთ მიზანს და თქვენი ცხოვრება იქნება ზუსტად ისეთი,როგორსაც შექმნით.
სიხარული,სიყვარული,თავისუფლება,ბედნიერება,სიცილი და სულ ეს არის ჩამონათვალი.
აკეთეთ ის,რაც თქვენ სიხარულს განიჭებთ.აკეთეთ ის,რაც თქვენ სიამოვნებას განიჭებთ.
გიყვართ ბუნება?ისეირნეთ ბუნებაში.
გიყვართ ბავშვები?მოესიყვარულეთ მას.
გიყვართ ცხოველები?მოეფერეთ მათ.
და სწორედ ამ დროს გამოყოფილ სიამოვნების განცდისას წარმოიდგინეთ ის,რაც არის თქვენი მიზანი და ის აუცილებლად აგიხდებათ.
შინაგანი ბედნიერება არის თქვენი წარმატების წყარო.სიამოვნების განცდისას გაგზავნილი იმპულსით მოიზიდება სასურველი მოვლენები.
,,მიყევით სიამოვნების შეგრძნებას და სამყარო გაგიხსნით კარებს იქ,სადაც ადრე გხვდებოდათ კედელი’’.

ყველაფერი ის,რაც თქვენ დღემდე გამოიარეთ და რაც თქვენ გადაიტანეთ,ყველაფერი საჭირო იყო იმისთვის,რომ ამ წამისთვის მზად ყოფილიყავით.გაცნობიერება იმის,თუ ვინ გახდებით ან რას მიაღწევთ,იწყება ამ წამს.არ აქვს მნიშვნელობა რა ხდებოდა თქვენს თავს ადრე,არ აქვს მნიშვნელობა ახალგაზრდულად გრძნობთ თავს თუ არა,მაშინ როდესაც თქვენ იწყებთ სწორად ფიქრს,თქვენს შიგნით ეს ძალა ირთვება ავტომატურად.ის დაიწყებს თავის გამომჟღავნებას;ის დაეუფლება თქვენს ცხოვრებას.ის იქნება თქვენი ცხოვრების გზამკვლევი,მიმთითებელი და გვერდში მდგომი.თუ თქვენ არ შეუშლით მას ხელს.

წყარო:

პაპაიას დამატენიანებელი ნიღაბი მშრალი და დაზიანებული თმისთვის.

Standard

                       papaya

 

პაპაია არა მხოლოდ დელიკატური გემოს გამო არის გამორჩეული,არამედ თავისი არაჩვეულებრივი თვისებით გამომშრალი კანის თუ თმის დასატენიანებლად.ამჯერად ვისაუბრებთ მის დადებით თვისებებზე თმის გასაჯანსაღებლად.პაპაია ატენიანებს და კვებავს თმის ღერს ძირებიდან ბოლოებამდე.ის მდიდარია ბეტა კაროტინით,რომელიც აღკვეთს თმის სიმშრალეს,აღადგენს ღერის  დაზიანებულ უჯრედებს და აძლიერებს თმის ღერებს,ანიჭებს მას ბზინვარებას.ასე,რომ არ გამოტოვო ეს სტატია და გაიგე თუ როგორ მოამზადო ნიღაბი მშრალი და დაზიანებული თმისთვის.ამ ნიღბის გამოყენების შემდეგ,შენიშნავთ განსხვავებას საგრძნობლად და აღმოაჩენთ,რომ თმა გახდა უბრო რბილი,ბზინვარე და დაუბრუნდა სიცოცხლე.
შემოგთავაზებთ შინაურ პირობებში მარტივად მოსამზადებელ ნიღაბს:

საჭირო ინგრედიენტები:
1)საღი,ახალი პაპაია.
2)ნატურალური თაფლი
3)ზეითუნის ზეთი(ვირჯინ ექსტრა)

 

1.გვესაჭიროება ნახევარი პაპაია.გავთალოთ პაპაიას ნაყოფი,კოვზით გამოვაცალოთ წვრილი შავი კურკები გულიდან და გავრეცხოთ.სამზარეულოს ქაღალდით გავაშროთ წყლის წვეთებისგან.დავჭრათ პატარა კუბიკებად.

პაპაია
2.ნაჭრები მოვათავსოთ ხელის ბლენდერის ჭიქაში.დავამატოთ 1-2 ს.კ. თაფლი,2-3 ს.კ. ზეითუნის ზეთი და დავაბლენდეროთ.თუ თმა ძალიან გამომშრალია,შეგვიძლია კიდევ დავამატოთ ზეითუნის ზეთი.

პაპაია2
3.როცა ვნახავთ რომ დაბლენდერების შემდეგ მივიღებთ კრემივით მასას,ნიღაბი უკვე მზადაა და შეგვიძლია გამოვიყენოთ.თმაზე გადავივლოთ თბილი წყალი და გავიწუროთ ნაზად.სველ თმაზე წავისვათ ნიღაბი ძირებიდან ბოლოებამდე.განსაკუთრებით სასარგებლოა გამომშრალი ბოლოებისთვის – ჯანსაღ იერს უბრუნებს.თითების ბალიშებით შევიზილოთ თავის კანზე და თმის ძირებში.გავიჩეროთ 30 წუთით.ჩამოვიბანოთ ჩვეულებრივი წესით,როგორაც ვიბანთ თავს.უბრალოდ გაითვალისწინეთ წყალი იყოს თბილი და არა ცხელი,რათა არ დააზიანოს თავის კანის უჯრედები.

პაპაია3

 

ასევე შეგვიძლია მოვამზადოთ პაპაიასგან სხვა სახის ნიღბებიც.როგორიცაა მაგალიტად,პაპაია ნატურალურ იოგურტთან ერთად;პაპაია ალოეს წვენთან ერთად.ალოესთან ერთან განსაკუთრებით მოუხდება თუ თქვენ ველური,ძნელად დასამორჩილებელი თმა გაქვთ.
მოსინჯეთ! :)

ღილის ქსოვა ყაისნაღით.

Standard

osat botn

Crochet hole 16

აქ შემოგთავაზებთ ღილის ქსოვის რამოდენიმე სტილს ფოტოგაკვეთილებით,თუ როგორ მოვქვსოვოთ ყაისნაღით ღილები,ნაქსოვის გასაფორმებლად.

სტილი 1.

1.დავიწყოთ ასე:ამოვიყვანოთ 3 თვალი.ძაფის საწყისი ბოლო დავტოვოთ 9 – 10 სმ.სიგრძის,ბოლოსკენ  დაგვჭირდება.

Crochet hole 9

2.დავხუროთ წრე.

Crochet hole 10

3.შემოვატაროთ პირველი წრე ჩვეულებრივი უზორით,მხოლოდ ყოველ თვალში ამოვიყვანოთ ორი ახალი თვალი.ამით თვლების რაოდენობა გაიზრდება.

Crochet hole 11

4.გავიმეოროთ იგივე მეორე წრეზე შემოვლის დროსაც.თუ დიდი ზომის ღილი გვინდა, წრეების რაოდენობა გავზარდოთ.

Crochet hole 12

5.ჩვენს შემთხვევაში (მომცრო ღილისთვის)მესამე წრეზე დავიწყოთ თვლების კლება.ე.ი. ამოვიყვანოთ ყოველი მეორე თვალი(ე.ი.ვქსოვთ თითო თვალის გამოტოვებით).

Crochet hole 13

6.ვაგრძელებთ ასე,სანამ ყაისნაღზე მხოლოდ ერთი თვალი არ დარჩება.

Crochet hole 14

7.ამ ბოლო თვალით ამოვუხვიოთ ისე,როგორც ჩვეულებრივ ქსოვას ვასრულებთ.მივიღებთ მრგვალ ღილს,ძაფის კუდებით სხვადასხვა მხარეს.

Crochet hole15

8.გვჭირდება მახათი(დიდი,მსხვილი ნემსი ფართო ყუნწით,სპეციალურად საქსოვი ძაფებისთვის).ავასხამთ იმ ძაფს,რომლითაც ქსოვას მოვრჩით და გავატარებთ ღილის შუაგულში,ღილის იმ მხარეს,სადაც ქსოვის დასაწყისში ძაფის  ბოლო დავტოვეთ.

Crochet hole 16

9.ღილი უკვე მზად არის დასაკერებლად.

Crochet hole17

სტილი 2.

არის მეორე მეთოდი,უფრო დიდი ღილების მოსაქსოვად.მაგალითად ფერადი ღილების მოქსოვა ბოთლის თავსახურებით.

2

3

4

5

6

7

8

9

10

11

საბოლოოდ ასეთ შედეგს ვიღებთ. :)
osat

 

 

სტილი 3.

 

1.ძაფი რამოდენიმე წრედ/ფენად (მსხვილი რომ დარჩეს)დავახვიოთ რამე ღერძზე ან თუნდაც ჩხირზე.საკმარისი როდენობით რომ დავახვევთ ღერძზე,ძაფი არ გავწყვიტოთ,გრძელი ბოლო დავტოვოთ და ავაგოთ მახათზე.

h1

h2

 

2.მახათზე აგებული გვაქვს ძაფის გრძელი ბოლო.ნემსი გავუყაროთ ღერძის მხრიდან დახვეულ ძაფს და წრეზე მივყვეთ ამოვუხვიოთ,ავავსოთ მთელი წრე.

 

H3

3. როდესაც შეივსება ბოლომდე,მხარე,რომელიც ღილის უკანა მხარე უნდა იყოს,იმ მხრიდან ჩავუმაგროთ ძაფებს ბოლოები,რათა არ დაიშალოს.ამის მერე უკვე შეგვიძლია ღილი გამოვიყენოთ სურვილისამებრ.

საბოლოოდ ასეთ შედეგს მივიღებთ:

botn